ރާއްޖޭގައި ފަސްދޮޅަސް ހަތަރުހާހަށްވުރެ ގިނަމީހުން މިހާރު މިވަނީ ކޮވިޑް19 އަށް ފައްސިވެފައެވެ. މި ބަލި ޖެހިފައިވާ މީހިންގެ ޢަދަދުވެސް މިހާރުމިވާނި ސައުވީސް ހާހަށްވުރެ މައްޗަށް ގޮސްފައެވެ. މި ބައްޔަށް ފައްސިވާ މީހުންގެ ޢަދަދު އިތުރުވާ ވަރަކަށް ފަރުވާ ދޭންޖެހޭ މީހުންގެ ޢަދަދުވެސް މިދަނީ އިތުރުވަމުންނެވެ. އަދި ހަމަ މި ބަލީގައި ބޮޑުވަރުވާ މީހުންވެސް މިވަނީ ވަރަށް ބޮޑަށް އިތުރުވެފައެވެ. ބަލިޖެހިފައިވާ މީހުންގެ ތެރެއިން އަށާރަ މީހަކަށް މިހާރު ފަރުވާދެމުންދަނީ އައިސީޔޫގައެވެ. އަދި އެގާރަ މީހަކަށް ވެންޓިލޭޓަރުގައި ދަނީ ފަރުވާދެމުންދާކަމަށް އެޗްއީއޯސީން ހާމަކޮށްފައިވެއެވެ.
ރާއްޖެގައި ބަލީގެ ޙާލަތު ގޯސްވެފައިވާ މި ދަނޑިވަޅުގައި އުމުރުން ހަނގު މީހުންނަށްވެސް އައިސީޔޫގައި ފަރުވާދެމުން އަންނަކަމަށްވެސް ޑޮކްޓަރުން ވަނީ ވިދާޅުވެފައެވެ. އޭގެތެރެއިން ޢުމުރުން އެންމެ ހަތްއަހަރުގެ ކުއްޖެއްގެ ޙާލު ސީރިއަސް ވެފައިވާކަމަށްވެސް އެޗްއީއޯސީން ވަނީ ހާމަކުރައްވާފައެވެ.
ވޭތުވެދިޔަ ސައުވީސް ގަޑިއިރުގެ ތެރޭގައިވެސް ހަތްސަތޭކަ ދިހަމީހުން މިވަނީ ކޮވިޑް19 އަށް ފައްސިވެފައެވެ. މީގެތެރެއިން ހަތަރުސަތޭކަ އަށްޑިހަ އަށްމީހުންނަކީ މާލެސިޓީން މި ބައްޔަށް ފައްސިވެފައިވާ މީހުންނެވެ. ރަށްރަށުން ފައްސިވެފައިވަނީ ދުއިސައްތަ ދެމީހުންނެވެ. އަދި މީގެ އިތުރުން ހަދަމުންދާ ރިސޯޓުތަކުން ފަނަރަ މީހުން ފައްސިވެފައިވާއިރު ޚިދުމަތްދޭ ރިސޯޓުތަކުން ފަސްމީހަކުވެސް ވަނީ ކޮވިޑް19އަށް ފައްސިވެފައެވެ. ވޭތުވެދިޔަ ސައްވީސް ގަޑިއިރުގެ ތެރޭގައި މި ބަލިން ރަނގަޅުވެފައިވަނީ އަށްސަތޭކް ތިންމީހުންނެވެ. މިއާއެކު މިބަލިން ރަނގަޅުވި މީހުންގެ ޖުމްލަ ޢަދަދުމިވަނީ ސާޅިސް ހާހަށްވުރެ މައްޗަށް އަރާފައެވެ.
އެޗްއީއޯސީން ހާމަކުރައްވާފައިވާ ގޮތުގައި ދުއިސައްތަ އަށާރަ މީހުންނަށް ފަރުވާދެމުން އަންނަނީ ހޮސްޕިޓަލް ތަކުގައެވެ. މީގެ ތެރެއިން ސަތޭކަ ތިރީސް އަށް މީހުންނަށް ފަރުވާ ދެމުން އަންނަނީ ހުޅުމާލޭގައި ހުންނަ ކޮވިޑް ފެސިލިޓީގައެވެ. މީގެތެރެއިން ސަތޭކަ އަށާވިސް މީހުންނަށް ފަރުވާދެމުން އަންނަނީ ވޯޑުގައެވެ. ދިހަ މީހުންނަށް ފަރުވާދެމުން އަންނަނީ އައިސީޔޫގައެވެ. މީގެތެރެއިން ހަތަރުމީހަކަށް މިހާރުވެސް ފަރުވާދެމުންދަނީ ވެންޓިލޭޓަރުގެ އެހީގައެވެ. ދަރުމަވަންތަ ހޮސްޕިޓަލްގައި ކޮވިޑް ބަލިމީހުންނަށް ޚާއްސަކޮށްފައިވާ އައިސީޔޫގައި ފަރުވާދެމުން އަންނަނީ އަށްމީހަކަށެވެ. މީގެތެރެއިން ހަތްމީހަކަށް ވެންޓިލޭޓަރުގެ އެހީގައި އަންނީ ފަރުވާދެމުންނެވެ. މީގެ އިތުރުން ދަރުމަވަންތަ ހޮސްޕިޓަލްގެ ސަތާރަވަނަ ފަންގިފިލާގެ ވޯޑުގައި ނުވަމީހުންނަށާއި، ސޯޅަވަނަ ފަންގިފިލާގެ ފަސްމީހަކަށްވެސް އަންނަނީ ކޮވިޑަށް ފަތުވާދެމުންނެވެ. އަދި ހިޔަލަ ވިންގ ވޯޑުގައި ތިބި ދެމީހުންނާއި ޕްރައިވެޓް ރޫމްގައި އެޑްމިޓްކޮށްފައިތިބި ފަސް މީހުންނަށްވެސް މިހާރު އަންނީ ފަރުވާދެމުންނެވެ.
މީގެ އިތުރުން އަތޮޅުތަކުގައި ޤާއިމް ކޮށްފައިވާ ފެސިލިޓީތަކިގައިވެސް ކޮވިޑްގެ ބަލިމީހުންއަންނަނީ ފަރުވާ ހޯދަމުންނެވެ. އޭގެތެރޭގައި ށ. ފޮނަދޫ ފެސިލިޓީގައި ފަރުވާ ހޯދަމުންދާ ތޭރަ މީހުންނާއި، ބ.އޭދަފުށީ ކޮވިޑް ފެސިލިޓީގައި ފަރުވާ ހޯދަމުންދާ ހަ މީހުންނާއި، ގއ. ވިލިނގިލީގައި ޤާއިމްކޮށްފައިވާ ފެސިލިޓީގައި ފަރުވާ ހޯދަމުންދާ ހަތަރު މީހުންނާއި، ގދ. ތިނަދޫ ފެސިލިޓީގައި ފަރުވާ ހޯދަމުންދާ ތިންމީހުންގެ އިތުރުން ލ. ގަމު ފެސިލިޓީގައި ފަރުވާ ހޯދަމުންދާ މީހުންހިމެނެއެވެ.
