ކޮވިޑު ޖެހިގެން ރާއްޖެއިން ފުރަތަމަ ފަހަރަށް ކުޑަކުއްޖަކު މަރުވެއްޖެއެވެ.
އެޗްޕީއޭއިން ބުނީ މަރުވެފައިވަނީ އައިޖީއެމްއެޗް އެމަޖެންސީ ރޫމްގައި ފަރުވާދެމުންދިޔަ 10 އަހަރުގެ އަންހެން ކުއްޖެއް ކަމަށެވެ. އެކުއްޖާ މަރުވެފައިވަނީ ރޭ 12:10 ހާއިރުއެވެ.
މިއީ ރާއްޖޭގައި މިހާތަނަށް ކޮވިޑް ޖެހިގެން މަރުވި އެންމެ ހަގު މީހާއެވެ. އަދި މިއީ ކޮވިޑްގައި ރާއްޖެއިން މަރުވި ފުރަތަމަ ކުޑަކުއްޖާއެވެ. ދެން އެންމެ ހަގު މީހަކަށް މި ބަލީގައި މަރުވެފައިވަނީ 30 އަހަރުގެ އަންހެނެކެވެ. އޭނާ މަރުވެފައިވަނީ މިދިޔަ މަހުގެ ތެރޭގައެވެ.
