އަފްޣާނިސްތާނުން ނޭޓޯ ސިފައިން ބޭލުމަށްފަހުވެސް ނޭޓޯއިން އަފްޣާނިސްތާން ސިފައިންނަށް އެހީތެރިވަމުންދާނެ ކަމަށް ނޭޓޯގެ ސެކެޓްރީ ޖެނެރަލް ވިދާޅުވެއެވެ. ބްރްސްލްސްގައި އޮތް ވަރޗުއަލް ކޮންފަރެންސެއްގައި ވާހަކަ ދައްކަވަމުން އެސްޖީ ޖެން ސްޓޯލްޓެންބރގް ވިދާޅުވީ، ނޭޓޯގެ 6900 ސިފައިން މިއަހަރު ފަހު ބައިގައި ބާލައި ނިމުނަސް، ސިވިލިއަން ފޯސްއެއް ނޭޓޯއިން އަފްޣާނިސްތާންގައި ބައިތިއްބާނެ ކަމަށެވެ.
ނޭޓޯ އިން ރާވަމުން ގެންދަނީ ގައުމުން ބޭރުގައިވެސް ބައިތިއްބައިގެން އަފްޣާނިސްތާން ކޮމާންޑޯއިންނަށް އަސްކަރީ ތަމްރީން ދިނުމަށެވެ.
އެމެރިކާ ސިފައިންނާއި ނޭޓޯ ސިފައިން ސެޕްޓެމްބަރު މަހު އަފްޣާނިސްތާނުން ފައިބައިގެން ދިޔަކަމުގައި ވިއސް ހުޅަނގުން ބޭނުން ވަނީ އަފްޣާނިސްތާނާއެކު ގާތް އަސްކަރީ ގުޅުމެއް އޮތުމަށެވެ.
ރަޝިޔާއާއި ޗައިނާއިން ވެސް ވަނީ އަފްޣާނިސްތާނަށް ކަޅި އަޅާފައެވެ. އަދި ރަޝިޔާއިން ދަނީ ޕާކިސްތާން މެދުވެރިކޮށް އަފްޣާނިސްތާންގައި ތާލިބާނަށް ފުރުސަތެއް ލިބޭތޯ ބަލަމުންނެވެ.
