ކޮވިޑް-19 ޖެހިގެން ދ. ބަނޑިދޫއިން މީހަކު މަރުވެއްޖެއެވެ.
އެނގިފައިވާ ގޮތުގައި ބަނޑިދޫގައި މަރުވެފައި ވަނީ އުމުރުން 76 އަހަރުގެ ދިވެހި ފިރިހެނެކެވެ. އޭނާއަކީ މީގެ ކުރީން ބޮޑެތި އޮޕަރޭޝަންތަކެއް ވެސް ކޮށްފައިވާ މީހެކެވެ. އޭނާ މަރުވީ މިއަދު ހެނދުނުގެ ވަގުތެއްގަ އެވެ.
ބަނޑިދޫގައި ވެސް ގިނަ އަދަދެއްގެ ބަޔަކަށް ކޮވިޑު ޖެހިފައިވާ އިރު، މި ވަގުތު އެރަށުގައި ތިބީ މި ބައްޔަށް ޕޮޒިޓިވް 54 މީހުންނެވެ. ބަލި ޖެހި 53 މީހަކު ރަނގަޅު ވެފައިވެ އެވެ.
ރާއްޖޭގައި ކޮވިޑު ޖެހިގެން އެންމެ ގިނަ މީހުން މަރުވީ މިމަހުގެ 25 ވަނަ ދުވަހުއެވެ. އެ ދުވަހު ބަލީގައި 13 މީހަކު މަރުވިއެވެ.
