ކޮވިޑުގައި ހާލު ދެރަވެގެން ގއ. ދާންދޫން މާލެ ގެނައި ޒުވާން އަންހެނަކު މަރުވެއްޖެއެވެ.
މަރުވެފައި ވަނީ އުމުރުން 28 އަހަރުގެ މަރިޔަމް އިބްރާހިމް (މަރީ) އެވެ. އޭނާ މަރުވީ ދަރުމަވަންތަ ހޮސްޕިޓަލުގެ ޑީއެޗް 11 ގައި ފަރުވާދެމުންދަނިކޮށް ފަތިހުގެ ވަގުތެއްގައެވެ.
މި ބަލީގައި ރާއްޖެއިން ރޭ ވަނީ އިތުރު ތިން މީހަކު ވެސް މަރުވެފައެވެ. އެ ތިން މީހުންނަކީ ވެސް ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ ތިން މީހުންނެވެ.
ރޭ މަރުވި މީހުންނާއެކު ރާއްޖެއިން މި ބަލީގައި މަރުވި މީހުންގެ އަދަދު މިހާރު ވަނީ 181 އަށް އަރާފައެވެ.
