ރާއްޖެއިން ކޮވިޑް-19 ޖެހިގެން ފަރުވާ ހޯދަމުންދިޔަ އިތުރު މީހަކު މަރުވެއްޖެއެވެ.
ހެލްތް ޕްރޮޓެކްޝަން އޭޖެންސީ އެޗްޕީއޭއިން ބުނެފައިވަނީ ރޭ 12:19 ގައި ހުޅުމާލޭ މެޑިކަލް ފެސިލިޓީގައި ފަރުވާދެމުން އައި 86 އަހަރުގެ ދިވެހި ފިރެހެނެއް ކޮވިޑް ބަލީގައި މަރުވެފައިވާ ކަމަަށެވެ.
މިއީ ރާއްޖެއިން ކޮވިޑް-19 ޖެހިގެން ފަރުވާ ހޯދަމުން ދަނިކޮށް މަރުވި 186ވަނަ މީހާއެވެ.
ރާއްޖެއިން ކޮވިޑް ބަލީގައި މަރުވާ މީހުންގެ އަދަދު ދުވަހެއް ދުވަހަކަށް ދަނީ އިތުރުވަމުންނެވެ.
