ފަލަސްތީންގެ ގައުމީ ވަންތަކަމުގެ ނިޝާންކަމަށްވާ ކޫފިއްޔާ، ގެ ޑިޒައިނަށް ބަދަލުގެނަސް ފެޝަން ފޭރާން ތައްޔާރު ކުރާ ލުއީ ވީޓަން ފިހާރައިގައި ވިއްކަން ބެހެއްޓުމުން މީހުންގެ ދެކޮޅު ހެދުމުން މިހާރު އެފިހާރައިން އެ ކޫފިއްޔާތައް ނަގައިފިއެވެ.
މައްސަލަ ޖެއްސި މީހުން ބުނެފައި ވަނީ ވޭންދެނިވި 11 ދުވަހުގެ ކެކުޅުމަށް ބެލުމެއް ނެތި އެލްވީ އިން ނޫ ކުލައިން ޖަރީކޮށްފައިވާ ކޫފިއްޔާ ބޮޑު އަގުގައި ވިއްކަނީ ހިއްސުތައް އައްސިވެފައި ހުރުމުން ކަމަށެވެ.
އަރަބި ގައުމުތަކުގެ މަގުމަތީ ބާޒާރާއި ފިހާރަތަކުން 10 ޑޮލަރަށް ލިބެން ހުންނަ ކޫފިއްޔާ ލުއީ ވީޓަން އިން ވިއްކަން ބަހައްޓާފައި ހުރީ އެމެރިކާ ޑޮލަރުގެ 705 ޑޮލަރަށެވެ. މީގައި ބޭނުން ކޮށްފައި ހުރި ކުލައަކީ އިޒްރޭލު ސިފައިންގެ ނޫ ކުލައެވެ.
ޕީއެލްއޯގެ ޗެއަރމަން ޔާސިރު އަރަފާތުގެ ޚާއްސަ ޑިޒައިނާއެކު ދުނިޔެއަށް މަޝްހޫރުވެގެން ގޮސްފައިވާ ފަލަސްތީނުގެ ކޫފިއްޔާއަކީ 11 ދުވަހުގެ ޒައެނިސްޓް އުދުވާނާ ދެކޮޅަށް ބެއްލާ ހަދީދު ނިކުތް އިރު އޭނާވެސް ބޭނުން ކުރި ނިޝާނެވެ.
ބެއްލާ ހަދީދަކީ ފަލަސްތީނުގެ އަރކިޓެކްޓް މުޙައްމަދު ހަދީދުގެ ދަރިއެކެވެ.
