ކަރާޗީގައި ޓީވީ ޑްރާމާއަކަށް މަންޒަރުތައް ޝޫޓުކުރަން އުޅުމުގެ ތެރޭގައި ސެކިއުރިޓީ ގާޑަކު ބަޑި ޖެހުމުން ނުވަ މީހުން ޒަޚަމް ވެއްޖެއެވެ. ޒަޚަމްވި މީޙުންގެ ތެރޭގައި 22 އަހަރާއި 40 އަހަރާ ދެމެދުގެ އުމުރުގެ މީހުން ހިމެނެއެވެ.
ފުލުހުން ބުނިގޮތުގައި މިހާދިސާ ހިނގުމާއެކު ވަގުތުން އެމީހުން ވަނީ ޖިނާހް ޕޯސްޓްގްރޭޖުއޭޓް މެޑިކަލް ހޮސްޕިޓަލަށް ގެންގޮސްފައެވެ.
ކަރާޗީ ފުލުހުންގެ ވަގުތީ ތަހުގީގަށް ފަހު މަޢްލޫމާތު ދެމުން ބުނެފައި ވަނީ މި ހާދިސާ މެދުވެރިވީ، ޓީވީ ޑްރާމާއަށް މަންޒަރު ނަގަމުން ދިޔަ ޑިފެންސް ހައުސިން ކޮލޮނީގައި ކާންދިނުމުގެ މަސައްކަތް ހަވާލުކޮށްފައިވާ ގޭގެ ސެކިއުރިޓީ ގާޑާއި ޑްރާމާގެ ޕްރޮޑިއުސަރުގެ ދެމެދު ހިނގި ޒުވާބަކަށް ފަހުއެވެ. މި ޒުވާބަކީ ކާނާއާ ބެހޭ ގޮތުން ހިނގި ޒުވާބެކެވެ. އެއަށްފަހު ގާޑް މީހާ އައި ރުޅީގައި ބަޑިން ހަމަލަ ދިނީ ކަމަށެވެ.
ފުލުހުން ބުނީ އިތުރަށްވެސް ކަން ހިނގާފައިވާ ގޮތް ބެލުމަށް އަދިވެސް ތަހުގީގު ކުރާނެ ކަމަށެވެ.
