ތަޅުވާ ބަލި ނުވަތަ އަލްޒެއިމާ ހުންނަ މީހުންނަށް ފަރުވާ ދިނުމަށް ބޭނުން ކުރާ އައު ބޭހަކަށް އެމެރިކާގެ ފުޑް އެންޑް ޑްރަގް އޮތޯރިޓީން ހުއްދަ ދީފިއެވެ. 20 އަހަރު ދުވަހުގެ ދިރާސާއަށް ފަހު ހުއްދަ ދީފައިވާ މި ބޭހާ މެދު ބައެއް ފަރާތްތަކުން ޝައްކު ކުރެއެވެ. އެފަރާތްތަކުން ދެކޭ ގޮތުގައި މިއިން ބަލި ކޮންޓްރޯލެއް ނުވެއެވެ. ނަމަވެސް ސިކުނޑިއަށް ބަލިން ކުރާ އަސަރު ލަސްކޮށް ދެއެވެ.
މިއީ އަލްޒެއިމާއަށް ފަރުވާ ދިނުމަށް ދުނިޔޭގައި އަދި ހުއްދަ ދީފައިވާ ފުރަތަމަ ބޭހެވެ.
މި ބޭހަކީ، އެމެރިކާގެ ބައޯޖެން ކުންފުންޏާއި ޖަޕާނުގެ އީސާއީ ކުންފުނިން ގުޅިގެން އުފެއްދި ބޭހެކެވެ.
އަހަރު ދުވަހަށް ބޭނުންވާ މި ބޭހުން ފަރުވާ ލިބިގަތުމަށް 3 ހާސް ޑޮލަރާ 8 ހާސް ޑޮލަރާ ދެމެދުގެ އަދަދެއް ބޭނުންވާނެ ކަމަށް ރިޕޯޓްތައް ބުނެއެވެ.
