ދެ މަނަވަރެއްގައި ފަރަންސޭސިވިލާތުގެ 656 ސިފައިން ކޮޅުނބަށް ފައިބައިފިއެވެ. ލަންކާ އިން ބުނާ ގޮތުގައި ވެކްސިން ޖަހާފައިވާ މިމީހުން ބަޔޯ ބަބްލްއެއްގެ ތެރޭގައި ލަންކާގެ ޓޫރިސްޓް ތަންތަނަށް ޒިޔާރަތް ކުރާނެއެވެ. މާނައަކީ، އެމީހުން ދަތުރުކުރާ ބަސްތައް ހުރިހައި ވަގުތެއްގައިވެސް ލަންކާ ފަރާތުން އެސްކޯޓް ކޮށްދޭނެއެވެ. އަދި އެމީހުން އުޅޭނީ އެކަހެރިކަމެއްގައެވެ. އެކަމަކު ކަރަންޓީނެއް ނުކުރާނެއެވެ.
މި މަނަވަރުތަކުގެ ފަޅުވެރިން ލަންކާގެ އެއްގަމަށް ފޭބުން ހަމަޖައްސާފައި ވަނީ ފަރަންސޭސި އެމްބަސީއާއި ލަންކާ ސަރުކާރާ ދެމެދު މަޝްވަރާތައް ކުރުމަށް ފަހުއެވެ. މި މަހުގެ 11 އާ ހަމައަށް މިމީހުން ކޮޅުނބުގައި ފަތުރުވެރިންގެ ގޮތުގައި ހޮޓާތަކާއި ރިސޯޓްތަކަށް ފައިބައިފައި ތިބޭނެއެވެ.
