ދެކުނުއިރުމަތީ ފްރާންސްގެ ސަރަހައްދަށް ރައްޔިތުންގެ ޙާލު ބައްލަވާލެއްވުމަށް ފަރަންސޭސި ރައީސް ވަޑައިގެން އުޅުއްވަނިކޮށް އާންމު ރައްޔިތުންގެ މީހަކު އެމަނިކުފާނުގެ ކަންކަށިފުޅުގައި ޖަހައިފިއެވެ. ރައީސް މެކްރޮންއަށް ދީފައިވާ މި ހަމަލަ އަޅުގަނޑުމެން ކުށްވެރި ކުރަމުއެވެ.
މި ހަމަލާ ދީފައި ވަނީ ރެސްޓޯރެންޓްތައް ފުރަބަންދަށްފަހު އެހިސާބުގައި ހުޅުވައިގެން ކުރަމުންދާ ވިޔަފާރިއާއި ކާބޯތަކެތީގެ އަގުތަކާ ބެހޭ ގޮތުން ރައްޔިތުންނާ ސުއާލު ކުރެއްވުމަށް މަގުމަތީގައި އުޅުއްވަނިކޮށެވެ.
އާންމުންގެ ތެރޭގައި ހުރި މީހަކު "މެކްރޯނީއާ ފޭއަށް ޖައްސަންވީ"އޭ ކިޔައި ހަޅޭއްލަވައި މެކްރޯން، ކައިރިވެ ވަޑައިގަތްތަނާ އޭނާގެ ކޯތާފަތްޕުޅުގައި ތަފާއްޔެއް ޖެހީއެވެ.
ސަލާމަތީ ބާރުގެ ފަރާތްތަކުން މީހާ ބިންމައްޗަށް ވައްޓާލުމަށްފަހު ރައީސް ސަލާމަތުގެ އައްސޭރިއަށް ގެންދިޔައީއެވެ.
ފަރަންސޭސިވިލާތުގައި ކައިރިވަމުންދާ ރިއާސީ އިންތިޚާބުގައި މެކްރޯންގެ މަގްބޫލުކަން އުޅެނީ އިހުނަށްވުރެން ދަށުގައެވެ. މެކްރޮންއަކީ ފްރެންޗް އިލްމާނިއްޔަތު ނެގެހެއްޓެވުމަށްޓަކައި އިސްލާމޯފޯބިއާ ކުރިއަށް ނެރެ، ޕްރޮމޯޓް ކުރައްވާ ބޭފުޅެކެވެ. މެކްރޮންގެ ވާދަވެރި ޖާން މާރީ ލަޕެންއަކީ ކަނާތު ފިޔާގެ ހަރުކަށި ހައްދުފަހަނައަޅާފައިވާ މީހެކެވެ.
