އެމެރިކާގައި ބައްޕައާއި ކައިވެނި ކުރުމަށްފަހު އަންހެން ކޮއްކޮއާއި ބައްޕައާ އެކުވެގެން ބޯއިފްރެންޑް މަރައިލައިފިއެވެ. އެމެރިކާގެ ނޯރތު ކެރޮލައިނާގައި މި ހުތުރު އަމަލު ހިންގާފައިވަނީ 11 މަރޗް 2019 ގައެވެ. މި މައްސަލަ ޝަރީއަތަށް ސާބިތު އިހަށް ދުވަހު ވަނީ މުޖުރިމުންނަށް ސަޒާ އިއްވާފައެވެ.
ޑެއިލީ ސްޓަރ ނޫހުން ބުނިގޮތުގައި 31 އަހަރުގެ އެމެންޑާ މެކްލޯރ ކައިވެނި ކުރީ އުމުރުން 56 އަހަރުގެ ބައްޕައާއެވެ. މިކައިވެންޏަށް ފަހު އެމެންޑާ ވަނީ ބޯއިފްރެންޑް މަސްތުކޮށްލާފައެވެ. އެއަށްފަހު ތިން ބަފައިންވެގެން ބޯއިފްރެންޑް މަރާލައި އޭނާ ފޮތިފޮތިކޮށްލުމަށްފަހު ގޯތިތެރޭގައި ވަޅުލީއެވެ.
ބައްޕަ ބޭނުންވީ، ބޯއިފްރެންޑްގެ ގެއަށް ވެރިވެ ގެން އެތަން ވިއްކާލާށެވެ. އެމެންޑާގެ މަސައްކަތުގައި އޭނާގެ ކޮއްކޮ މޭރީވެސް އޭނާއަށް އެހީތެރިވެ ދިނެވެ.
ޝަރީއަތަށް ޖަރީމާ ސާބިތުވެ، ބައްޕަ ލެރީއަށް އިއްވާފައި ވަނީ އޭނާއަށް އެއްވެސް އިތުރު ލުޔެއް ނުލިބޭ ގޮތަށް އުމުރުދުވަހުގެ ޖަލު ޙުކުމެކެވެ.
ލެރީއަކީ ޖިންސީ ޖަރީމާތައް ހިންގައިގެން ކުރިންވެސް ޙުކުމްކޮށް ޖަލުގައި ވަގުތު ހޭދަކޮށްފައިވާ މީހެކެވެ. އަދި ޖިންސީ ޖަރީމާތައް ހިންގާ މީހުންގެ ދަފްތަރުގައި ލިސްޓް ކޮށްފައިވާ މީހެކެވެ. އެމެންޑާއަށް ވަނީ 40 އަހަރުގެ ޖަލު ޙުކުމެއް އިއްވާފައެވެ. އެމެންޑާގެ ކޮއްކޮ މޭރީއަށް އަދި ޙުކުމް ކޮށްފައެއް ނުވެއެވެ. ނޫސް ބުނާ ގޮތުން އޭނާއަށްވެސް 40 އަހަރުގެ ޖަލު ޙުކުމެއް އަންނާނެއެވެ.
