ހުޅުމާލެ ފޭސް 2 ގައި އިމާރާތްކުރާ ސްކޫލްގެ ޑިޒައިން އަދި އިމާރާތް ކުރުމުގެ މަސައްކަތް ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑް (އާރްސީސ) އާ ޙަވާލުކޮށްފި އެވެ.
މި މަސައްކަތް އެ ކުންފުންޏާ ޙަވާލުކުރީ 243,119,269.20 (ދުއިސައްތަ ސާޅީސް ތިން މިލިއަން އެއްލައްކަ ނަވާރަހާސް ދުއިސައްތަ ފަސްދޮޅަސް ނުވަ ރުފިޔާ ވިހި ލާރި) އަށެވެ. އަދި މި މަސަަަަަަަައްކަތް 18 މަސްތެރޭ ނިންމަން ޖެހެ އެވެ.
މިއީ ކޮންޓްރެކްޓަރ ފައިނޭންސްގެ އުސޫލުން 5 އަހަރަށް ބަހާލައިގެން ރި-ފައިނޭންސް ކުރެވޭގޮތަށް ހަވާލުކުރާ މަޝްރޫޢެކެވެ.
އެހެންކަމުން 2022 ވަނަ އަހަރު ޑިސެމްބަރ މަހުގައި މިމަސައްކަތް މުޅިން ނިމޭނެކަމަށް ވަނީ ލަފާކޮށްފަ އެވެ.
މިނިސްޓްރީ އޮފް އެޑިޔުކޭޝަންގެ ފަރާތުން މި އެގްރިމެންޓްގައި ސޮއި ކުރެއްވީ މިނިސްޓަރ އޮފް ސްޓޭޓް ފޮރ އެޑިޔުކޭޝަން އަހުމަދު ރިޔާޒް އެވެ. ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑް ފަރާތުން ސޮއި ކުރެއްވީ މެނޭޖިންގ ޑިރެކްޓަރ އިބްރާހީމް ރަޝީދު އެވެ.
