ރާއްޖެއިން ކޮވިޑް-19 އަށް މިއަދު ޕޮޒިޓިވް ވި މީހުންގެ ޢަދަދު ހުރީ 150 ން ދަށުގަ އެވެ.
އެގޮތުން 138 މީހުން މިއަދު ޕޮޒިޓިވް ވި އިރު، އޭގެ ތެރޭގައި ހިމެނެނީ މާލެއިން 13 މީހުންނާއި އަތޮޅު ތެރެއިން 105 މީހުންނާއި ރިސޯތުތަކުން 7 މީހުން އަދި އިންޑަސްޓްރިއަލް ރަށްތަކުން 13 މީހުން ނެވެ.
މި ޢަދަދާއެކު ރާއްޖެއިން 73،798 މީހުން ވަނީ ޕޮޒިޓިވް ވެފަ އެވެ. އަދި 69،974 މީހުން ވަނީ ރަނގަޅުވެފަ އެވެ.
3،602 މީހުންނަށް ފަރުވާ ދެމުން އަންނަ އިރު، ހޮސްޕިޓަލުގައި އެޑްމިޓްކޮށްގެން ފަރުވާދެނީ 28 މީހުުންނަށެވެ.
ރާއްޖެއިން މި ބަލީގައި މިހާތަނަށް މަރުވެފައިވަނީ 210 މީހުން ނެވެ.
