ކޮވިޑް-19 ޖެހިގެން ރާއްޖެއިން އިތުރު ދެ މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފައިވަނީ ރޭ 10:35 ގައި އައިޖީއެމްއެޗްގައި އެޑްމިޓްކޮށްފައިއޮތް އަންހެނަކު މަރުވެފައިވާކަމަށެވެ.
މަރުވެފައިވަނީ އުމުރުން 90 އަހަރުގެ އަންހެނެއް ކަމަށް އެޗްޕީއޭއިން މައުލޫމާތުދެއެވެ.
މީގެ އިތުރުން ގއ. ވިލިނގިލީގައި ހުންނަ ކޮވިޑް ފެސިލިޓީގައި ފަރުވާދެމުންދިޔަ މީހަކު ވެސް ވަނީ މަރުވެފައެވެ. އެޗްޕީއޭއިން ބުނީ ވިލިނގިލީގައި ހުންނަ ކޮވިޑް ފެސިލިޓީގައި ފަރުވާ ދެމުން ދިޔަ 81 އަހަރުގެ އަންހެނަކު ރޭ ފަތިހު 4:55 ގައި މަރުވެފައިވާ ކަމަށެވެ.
މި ދެ މަރާއެކު ކޮވިޑް-19 ގައި ރާއްޖެއިން މަރުވި މީހުންގެ އަދަދު ވަނީ 212 އަށް އަރާފައެވެ.
