މަރާލާފައި އޮތްވާ ފެނުނު އުމުރުން 13 އަހަރުގެ ކުއްޖާގެ މޯސްޓްމޯޓަމް ހެދުމަށް އިންޑިޔާއަށް ފޮނުވައިފި އެވެ.
ހުޅުމާލެ ފޭސް 2 ގެ މޫދުތެރެއިން ފޮށްޓަކަށް ލާފައި އޮށްވާ ފެނުނު 13 އަހަރުގެ ކުއްޖާ ޕޯސްޓް މޯޓަމްއަށް ފޮނުވާފައި މި ވަނީ އެ ކުއްޖާ މަރާލާފައި އޮއްވާ ފެނުންތާ 13 ދުވަސްފަހުންނެވެ.
އެ ކުއްޖާ މަރާލާފައި އޮއްވާ ފެނުނީ މިދިޔަ މަހުގެ 22 ވަނަ ދުވަހުގެ ރޭ ދަންވަރު 2:38 ހާއިރު އެވެ.
އެ މައްސަލާގައި 17 އަހަރުގެ ދިވެހި ފިރިހެން ކުއްޖަކާއި، 27 އަހަރުގެ ދިވެހި ފިރިހެނެއް ވަނީ ހައްޔަރުކޮށްފައި އެވެ. ހައްޔަރުކޮށްފައިވާ 27 އަހަރުގެ މީހަކީ ނ. ލަންދޫ، ބަގީޗާގޭ، އިބްރާހިމް ޒިހާން އެވެ. މީގެ ކުރިންވެސް ކުށުގެ ރެކޯޑް އޮންނަ މީހެކެވެ.
