ގުލާބުޖާމް މީރުވެފައި ޕޫލް އައުރު ކާންޓޭ ފަދަ ފިލްމުތައް ރީތިވުމަކީ ދިވެހި ގައުމުގެ ހައްގުގައި ބުނަން ޖެހޭ ބަހެއް ނުބުނެވެންޖެހޭ ސަބަބެއް ނޫންކަމަށް އެމްއެންޑީއެފްގެ ކުރީގެ ކެޕްޓަން އަލީ އިހުސާން ވިދާޅުވެއްޖެއެވެ.
އޭނާ ކުރައްވާފައިވާ ޓުވީޓެއްގައި މިއަދު ވިދާޅުވެފައިވަނީ އެކަން އޮތީ އެގޮތަށް ކަމަށް ދެކިވަޑައިގަންނަވާ މެމްބަރުން ރައްޔިތުންގެ މަޖިލީހުގެ މެމްބަރުންގެ ގޮތުގައި އެބަތިއްބެވި ކަމަށެވެ. އެކަމާ ހިތާމަ ކުރައްވާ ކަމަށް ވެސް ކެެޕްޓަން އިހުސާން ވިދާޅުވެފައިވެެއެވެ.
"ގުލާބުޖާމް މީރުވެފައި ޕޫލައައުރު ކާންޓޭ ފަދަ ފިލްމުތައް ރީތިވުމަކީ އަޅުގަނޑުމެންގެ ގައުމުގެ ހައްގުގައި ބުނަން ޖެހޭ ބަހެއް ނުބުނެވެންޖެހޭ ސަބަބެއް ކަމަށް ދެކިލައްވާ މެމްބަރުން މަޖިލީހުގައި ތިބުމަކީ ހިތާމަކުރާ ކަމެއް،" އޭނާ ވިދާޅުވިއެވެ.
އަލީ އިހުސާން ވިދާޅުވީ ހުރިހާ ގައުމަކީ ވެސް "އަޅުގަނޑުމެންގެ އެކުވެރިން" ކަމަށެވެ. އެހެންނަމަވެސް އެކަން އޮންނަންވާނީ ވަކި ހައްދެއްގެ ތެރޭގައި ކަމަށް ވެސް ވިދާޅުވިއެވެ.
އިހުސާން މިހެން ވިދާޅުވީ ރާއްޖޭގެ މައްޗަށް އިންޑީއާގެ ނުފޫޒު ގަދަވެ އަޅުވެތިކަމާ ދިމާއަށް ރާއްޖެ ދަތުރުކުރަމުންދާ ކަމަށް ބައެއް ދިވެހީން ބުނަމުންދާ ވަގުތެއްގައެވެ.
އިންޑިއާ ބެހޭ ގޮތުން ނޭދެވޭ ވާހަކަތައް ރާއްޖޭގެ ނޫސްތަކުގައި ލިޔަމުންދާ ކަމަށާއި އެފަދަކަންކަމަކީ ދެގައުމުގެ ގުޅުމަށް ބުރޫއަރައިފާނެ ކަމެއް ކަމަށް އިންޑިއާ ސަރުކާރުން ވެސް ވަނީ ވިދާޅުވެފައެވ. އެފަދަ ވާހަކަތައް ލިޔާ ނޫސްތަކާ ދެކޮޅަށް ފިޔަވަޅު އެޅުމަށް އިންޑިއާއިން ވަނީ އެދިފައެވެ.
މިކަމާ ގުޅިގެން ރާއްޖޭގެ ފޮރިން މިނިސްޓްރީން ވިދާޅުވެފައިވަނީ ދެގައުމުގެ ގުޅުމަށް ބުރާއަރާފަދަ ލިޔުންތައް ނޫސްތަކުގައި ނުލިޔުމަށް ދިވެހި މީޑިއާއަށް އަންގަވައިފައެވެ.
