މިއަދު ނެގި 4،200 ސާމްޕަލުން 105 މީހުން ޕޮޒިޓިވް ވެއްޖެ އެވެ.
އެޗްޕީއޭ އިން ބުނީ މިއަދު ޕޮޒިޓިވް ވެފައިވަނީ މާލެއިން 23 މީހުންނާއި އަތޮޅުތަކުން 74 މީހުން ކަމަށެވެ. އަދި އޮޕަރޭޝަނަލް ރިސޯޓުތަކުން 7 މީހުންނާއި އިންޑަސްޓްރިއަލް ރަށްތަކުން އެކަކު ވެސް މިއަދު ޕޮޒިޓިވް ވެފައިވާ ކަމަށް އެޗްޕީއޭ އިން ބުނެ އެވެ.
ރާއްޖެއިން 74،585 މީހުން ކޮވިޑަށް ޕޮޒިޓިވް ވެފައިވާ އިރު، އެޑްމިޓްކޮށްގެން ފަރުވާ ދެމުން އަންނަނީ 25 މީހުންނަށެވެ.
ކޮވިޑު ބައްޔަށް ރާއްޖެއިން ފަރުވާ ހޯދަމުން ދިޔަ 71،212 މީހުން މިހާރުވަނީ އެބަލިން ރަނގަޅުވެފަ އެވެ.
މި ބަލީގައި ރާއްޖެއިން މިހައިތަނަށް 213 މީހުން ވަނީ މަރުވެފަ އެވެ.
