އައްޑޫ ސިޓީން މީހަކު ކޮވިޑަށް ޕޮޒިޓިވް ނުވާތާ އެއް ދުވަަސްފަހުން މިއަދު އިތުރު މީހަކު ޕޮޒިޓިވް ވެއްޖެއެވެ. މިއަދު ވެސް ޕޮޒިޓިވް ވެފައިވަނީ ހިތަދޫ އިންނެވެ. އެއީ ޑައިރެކްޓް ކޮންޓެކްޓެއްގެ ގޮތުގައި ހުރި ދިވެއްސެއް ކަމަށް އައްޑޫ އެކުއެޓޯރިއަލް ހޮސްޕިޓަލް (އޭއީއެޗު) އިން ވިދާޅުވިއެވެ.
މިއަދު އެކަކު ޕޮޒިޓިވްވިއިރު ދެ މީހަކު ވަނީ ބަލިން ފަސޭހަ ވެގެން ދޫކޮށްލައިފައެވެ.
މިހާތަނަށް އައްޑޫއިން ކޮވިޑަށް ޕޮޒިޓިވްވި މީހުންގެ ޖުމްލަ ވަނީ 500 އަށް އަރައިފައެވެ. މީގެ ތެރެއިން ބަލި ފަސޭހަވި މީހުންގެ ޖުމްލަ ވަނީ 445 އަށް އަރައިފައެވެ. އައްޑޫގެ މިހާރުގެ އެކްޓިވް ކޭސްގެ ޖުމްލަ އަދަދަކީ 53 އެވެ. އެއީ ހިތަދޫގައި ތިބި 47 މީހަކާއި މަރަދޫގައި ތިބި 6 މީހެކެވެ. މި ދެ ރަށް ފިޔަވައި އައްޑޫގެ އެހެން ރަށަކު ކޮވިޑް ކޭސް އެއް ނެތެވެ.
މި ބަލީގައި މިހާތަނަށް އައްޑޫ އިން ވަނީ 2 މީހަކު ނިޔާވެފައެވެ. ދެ މީހަކަށް ގެންދަނީ ކޮވިޑް ފެސިލިޓީގައި ފަރުވާ ދެމުންނެވެ.
