އިންޑިއާގެ ޚާރިޖީ ވަޒީރު ޑރ. ޖަޔަޝަންކަރު ވަނީ ރަޝިޔާގެ ޚާރިޖީ ވަޒީރާއެކު، އިންޑިއާ ކަނޑާއި ޕެސިފިކް ކަނޑުގައި ރަޝިޔާއިން އަމަލީ ގޮތުންބައިވެރިވުމުގެ މުހިންމު ކަމާ ބެހޭ ގޮތުން މަޝްވަރާ ކުރައްވާފައެވެ. މި މަޝްވަރާތަކަކީ، ޕްރިމަކޯވް އިންސްޓިއުޓް އޮފް ވަރލްޑް އިކޮނޮމީ އެންޑް އިންޓަރނޭޝަނަލް ރިލޭޝަންގައި ޖަޔަޝަންކަރު ތަގްރީރު ކުރެއްވުމަށްފަހު ބޭއްވެވި މަޝްވަރާތަކެކެވެ. ޖަޔަޝަންކަރު ވިދާޅުވީ އިންޑިއާއަށް އިންޑޯ ޕެސިފިކް ސަރަހައްދުގެ ކަންކަން އައު ގޮތަކަށް ބަދަލުވެގެންދާތަން ފެންނަމުންދާ ކަމަށެވެ. އަދި ހުރިހައި ފަރާތަކުންވެސް ގުޅިގެން ދުނިޔޭގެ ހެވަށް މަސައްކަތް ކުރުމާ މެދު އިންޑިއާއިން ދެކޭގޮތްވެސް އޭނާ ވިދާޅުވެ ދެއްވިއެވެ.
ރަޝިޔާގެ ޚާރިޖީ ވަޒީރު ސަރްޖީ ލާވްރޯވް ވަނީ ކުރިން، އިންޑިއާއާއި އޮސްޓްރޭލިއާއާއި ޖަޕާނުން އެމެރިކާއާ ގުޅިގެން އުޅޭ މައްސަލާގައި ފާޑު ވިދާޅުވެފައެވެ. އޭނާ ވިދާޅުވީ، އިރުމަތީ އޭޝިއާ ސަމިޓްގައި އިންޑިއާއިން ހުށަހަޅާފައިވާ އިންޑޯ ޕެސިފިކް އިނިޝިއޭޓިވް އަށް އަދިވެސް ބާރުއަޅުއްވާ ކަމަށެވެ. އަދި ރަޝިޔާއާއެކު ސަރަހައްދީ ކަންކަމުގައި ޚިޔާލު އެއްގޮތް ކަމުން ރަޝިޔާއިން ސަރަހައްދީ ކަންކަމުގައި ބައިވެރިވުމަކީ މުހިންމު ކަމެއްކަމުގައިވެސް އޭނާ ވިދާޅުވިއެވެ.
ޖަޔަޝަންކަރު މޮސްކޯއަށް ވަޑައިގަތީ ތިން ދުވަހުގެ ދަތުރުފުޅެއްގައެވެ.
ނޫސްވރިންނާ ވާހަކަ ދައްކަވަމުން ޖަޔަޝަންކަރު ވިދާޅުވީ، އިންޑިއާގެ އިންޑޯ ޕެސިފިކް ސްޓްރެޓެޖިއަކީ އިންޑިއާއިން ގެންގުޅޭ އެކްޓް އީސްޓް ޕޮލިސީގެ ބައެއް ކަމަށެވެ.
ޖަޔަޝަންކަރު ވިދާޅުވިގޮތުގައި އިންޑިއާއާއި ރަޝިޔާގެ ގުޅުމަކީ ވަރަށް ބަދަހި ގުޅުމެކެވެ. އަދި ކޮންމެ އަހަރަކު ބާއްވާ ރަޝިޔާއާއި އިންޑިއާގެ ސަމިޓް އަވަސް މުއްސަތްގްބަލެއްގައި ބޭއްވިގެންދާނެ ކަމަށް އުންމީދު ކުރައްވާކަމަށްވެސް ވިދާޅުވިއެވެ.
