އިންޑިއާއިން ޗައިނާގެ ބޯޑަރު ސަރަހައްދުގައި ފޯރިމެރުމަށް ރާފާއިލް މަތިންދާ ބޯޓްތައް މިމަހުން ފެށިގެން ބޭނުން ކުރަން ފަށާނެއެވެ. ފަރަންސޭސިވިލާތުން ގެނައި މި ބޯޓްތައް ކުރިން ބާއްވާފައި އޮތީ އަމްބާލާގައެވެ. މިމަހުގެ 26ން ފެށިގެން ހަޝިމާރާ އެއަރބޭސްއަށް ރާފައިލްގެ ސްކޯޑްރޮމެއް ތައާރަފް ކުރާނެއެވެ.
އަމްބާލާ އެއަރބޭސްއިން އިންޑިއާގެ އުތުރު ސަރަހައްދާއި ޕާކިސްތާން އިންޑިއާ ސަރަހައްދު ބަލަހައްޓާއިރު، ހަޝިމާރާ ވައިގެ ބަނދަރުން ބަލަހައްޓާނީ ޗައިނާ އިންޑިއާ ބޯޑަރެވެ.
އިންޑިއާއިން ފަރަންސޭސިވިލާތުން ގަނެފައިވާ ރާފާއެލް މަތިންދާބޯޓްގެ 25 ބޯޓް ވަނީ ލިބިފައެވެ. 2016ގައި އިންޑިއާއިން ވަނީ 36 ބޯޓަށް އޯޑަރު ދީފައެވެ. މި ބޯޓްތައް މިހާރުވެސް ފޯރި މެރުމަށް ދުއްވައި ހަދައެވެ. ރާފާއެލްގެ އިތުރުން އެސްޔޫ30ވެސް އިންޑިއާއިން ބޭނުން ކުރާނެއެވެ.
އިންޑިއާއިން ރާވާފައި ވަނީ 114 މަތިންދާބޯޓަށް އޯޑަރު ދިނުމަށެވެ. ކުރިއަށް އޮތް 15 އަހަރުގެ ތެރޭގައި އިންޑިއާއިން އުފައްދާފައިވާ ރޭޑާއަށް ނާރާވައްތަރުގެ ބޯޓްތައްވެސް އޮޕަރޭޝަނަށް ނެރުމަށް ނިންމާފައި ވެއެވެ.
