ސެބްމެރީންއާ ދެކޮޅަށް ބޭނުންކުރާ ދިހަ ވަނަ މަތިންދާ ބޯޓު އިންޑިއާގެ ކަނޑުގެ ސިފައިންގެ ޚިދުމަތުގައި ބޭނުން ކުރަން ފަށައިފިއެވެ. ބޯއިންގ ކުންފުނިން އުފައްދާފައިވާ ޕީ 8އައި މަރުކާގެ 12 ބޯޓެއް ގަތުމަށް އިންޑިއާއިން އޯޑަރު ދިނެވެ. އެމެރިކާގެ ކަނޑުގެ ސިފައިން ފިޔަވައި މިވައްތަރގެ ބޯޓްތައް އެންމެ ގިނައިން ބޭނުން ކުރަނީ އިންޑިއާގައެވެ.
ސަރަހައްދީ ކަނޑުގެ ފޯރިއަށް ދުއްވާ މި މަތިންދާބޯޓަކީ، އިންޑިއާއިން 2013 އިން ފެށިގެން ބޭނުންކުރަމުންދާ ވައްތަރުގެ ބޯޓެކެވެ. އެންމެ ފަހުގެ ހަތަރު ބޯޓަށް އިންޑިއާއިން އޯޑަރު ދިނީ 2016ގައެވެ.
