ޗައިނާގެ ތުރުކީ ދަރިކޮޅުގެ މީހުންގެ މައްސަލައިގައި ތުރުކީ ރައީސް ރަޖަބް އެރްދުޣާން، ޗައިނާގެ ރައީސް ޝީ ޖިންޕިންގއާ މަޝްވަރާ ކުރައްވައިފިއެވެ. ޝިންޖިއާންގެ އުއިގޫރު މުސްލިމުންގެ މައްސަލާގައި ވާހަކަ ދައްކަވަމުން، އެރްދުޣާން ވިދާޅުވީ، ޗައިނާގެ ސިޔާދަތަށް ތުރުކީން އިޙުތިރާމް ކުރާ ކަމަށެވެ. އަދި އުއިގޫރު ތުރުކީ ދަރިކޮޅުގެ މީހުން ތިޔަގިކަމާއެކު މިނިވަންކަމއި އަދި ސުލްޙަވެރިކަމާއެކު ޗައިނާގައި ދިރިއުޅޭ ކަމަށް އުންމީދު ކުރައްވާ ކަމަށެވެ. އެރްދުޣާން ވަނީ ޗައިނާގެ އެހެން މީހުންނާއި އުއިގުރު މީހުންވެސް ހަމަހަމަ ކުރެއްވުމަށް ބާރުއަޅުއްވާފައެވެ.
ޝިންޖިއާން އަކީ ކުރިން ޒާތީ މިނިވަންކަމެއް އޮންނަ ޕްރޮވިންސެކެވެ. މިތާގެ އާބާދީގެ 45 އިންސައްތަ މީހުންނަކީ އުއިގޫރު ނަސްލުގެ މީހުންނެވެ. މިމީހުންނާ މެދު ޗައިނާ ސަރުކާރުން ސަގާފީ ގޮތުންނާއި ދީނީ ގޮތުންނާއި އިގތިސާދީ ގޮތުން ތަފާތު ކުރުން ގެންގުޅޭ މައްސަލައަކީ ބޮޑުވެފައިވާ ޝަކުވާއެކެވެ.
ޗައިނާއިން އުއިގޫރު ދަރިކޮޅުގެ މިލިއަނަކަށް ވުރެން ގިނަ މީހުން، ގާތް ގަނޑަކަށް އާބާދީގެ ހަތް ޕަސެންޓް ގެންގުޅެނީ ހުރަގޭގައި ބަންދުކޮށްގެންނެވެ. އދއާއި އެމެރިކާއިން ބުނާ ގޮތުގައި މި މީހުންނަށް އަނިޔާ ކުރެވި ސިކުނޑި ދޮވެ، ދަރިން ނުލިބޭގޮތަށް ހެދުމުގެ އަނިޔާވެސް ތަހައްމަލު ކުރަން ޖެހެއެވެ.
ދެލީޑަރުން ވަނީ ކޮވިޑާ ހަނގުރާމަ ކުރުމުގެ މުހިންމު ކަމަށްވެސް ވާހަކަ ދައްކާފައެވެ. ދެ ގައުމުގެ ސިޔާސީ ގުޅުމަށް 50 އަހަރުވީއެވެ.
