ބޫޓާންގައި އިންޑިއާގެ ޑިޖިޓަލް ޕޭމެންޓް ސިސްޓަމް ރޫޕޭ ބޭނުން ކުރަން ފަށައިފިއެވެ. އިއްޔެ ރޫޕޭ ޕޭމަންޓް ގޭޓްވޭ އިފްތިތާޙު ކޮށްދެއްވީ އިންޑިއާއާއި ބޫޓާންގެ މާލީ ވަޒީރުންނެވެ. މިހަފްލާ އިންތިޒާމުކޮށްފައި އޮތީ މަޖާޒީ ގޮތަކަށެވެ.
އިންޑިއާއިން ބުނިގޮތުގައި ބޫޓާނުން ރޫޕޭ ބޭނުން ކުރަން ފެށުމުގެ ސަބަބުން ކޮންމެ އަހަރަކު އިންޑިއާއިން ބޫޓާނަށް ވަންނަ ދެ މިލިއަން ފަތުރުވެރިންނަށް ޚިދުމަތަށް ފައިސާދެއްކުން ފަސޭހަވެގެންދާނެ ކަމަށެވެ. އިންޑިއާގެ ރޫޕޭ ޕޭމަންޓް ގޭޓްވޭ ބޭނުން ކުރުމުގެ ސަބަބުން އިންޑިއާއިން ދޫކޯށްފައިވާ ރޫޕޭކާޑު ބޫޓާންގައި ބޭނުން ކުރާނެއެވެ.
އިންޑިއާއަކީ ކިއުއާރް ކޯޑް ބޭނުންކޮށްގެން ކުދި ވިޔަފާރިތަކަށްވެސް ފައިސާ ދެއްކުމަށް ޑޖިޓަލް ޕޭމަންޓް ސިސްޓަމް ބޭނުންކުރާ ގައުމެކެވެ. ކޮވިޑް19އާ ގުޅިގެން އިންޑިއާއިން ކާޑް ޑިޖިޓަލް ޕޭމަންޓް ސިސްޓމް ބޭނުންކުރުން ވަނީ އިތުރު ވެފައެވެ.
