ނޭޕާލްގެ އައު ބޮޑު ވަޒީރުގެ މަގާމަށް ޝޭރު ބަހާދުރު ޑޫބާ އައްޔަން ކޮށްފިއެވެ. މިއީ އޭނާ ބޮޑު ވަޒީރުކަމާ ޙަވާލުވެ ވަޑައިގަންނަވާ ފަސް ވަނަ ފަހަރެވެ. ނޭޕާލުގެ ޕާލަމެންޓްގައި ހަމަނުޖެހުން ބޮޑުވެ ސަރުކާރާ މެދު އިތުބާރު ނެތްކަމަށް ވޯޓް ނެގުމާ ގުޅިގެން އެގައުމުގެ ސިޔާސީ މަސްރަޙް ވަނީ ހަލަބޮލިވެފައެވެ.
ނާޕާލީ ކޮންގްރެސްގެ ލީޑަރު ޑޫބާ މަގާމާށް އައްޔަން ކުރުމަށް އެންގީ ސުޕްރީމް ކޯޓުންނެވެ. ޕާލަމެންޓްގައި އިތުބާރު އޮތްތޯ ބެލުމަށް އޭނާއަށް އެއްމަސް ލިބިވަޑައިގަންނަވާނެއެވެ.
ނޭޕާލްގެ ސިޔާސީ ހާލަތު ގޯހުން ގޯހަށް ދިޔައީ، ބޮޑު ވަޒީރު ކޭޕީއެސް އޯލީ ޝަރްމާ 275 މެމްބަރުންގެ ޕާލަމެންޓް 2020 ޑިސެމްބަރ ގައި އުވާ ލެއްވުމާ ގުޅިގެންނެވެ. މިއަހަރުގެ މެއި މަހުވެސް އޯލީ ވަނީ ހަމައެފަދައިން އަމަލު ކުރައްވާފައެވެ.
ފަހުން، އޯލީއާ އޭނާގެ ކޮމިއުނިސްޓް ޕާޓީގެ ބައިވެރިންނާއެކު ދެބަސްވުން އުފެދި ޕާޓީ ބައިބައި ވިއެވެ. ނޭޕާލްގެ ކޮމިއުނިސްޓް ޕާޓީއަކީ ދެ ކޮމިއުނިސްޓް ޕާޓީއެއް ގުޅިގެން އުފައްދާފައިވާ ޕާޓީއެކެވެ.
ޑޫބާ، މަގާމުގެ ހުވައި ކުރެއްވުމުގެ މުނާސަބާވެސް އޮތީ ޑްރާމާއަކަށް ވެފައެވެ. ފުރަތަމަ ރައީސާ ބްދިޔާ ދޭވީ ބަންޑާރީ ވަނީ ޑޫބާ މަގާމަށް އައްޔަންކޮށްފައި ވަނީ ގާނޫނުއަސާސީއާ އެއްގޮތަށް ކަން ކަޝަވަރު ނުވާތީ ހުވައި ލައި ދެއްވުމަށް ދެކޮޅު ހައްދަވާފައެވެ.
އިންޑިއާއާއި ނޭޕާލް މުހައްލިލުން ބުނާ ގޮތުން ނޭޕާލްގެ ސަރުކާރު ބަދަލުވުމާއެކު އިންޑިއާ ނޭޕާލްގެ ގުޅުން ރަގަޅު ވެގެން ދާނެކަމަށް ބެލެވެއެވެ. މެއި 2020ގައި އޯލީ، ނޭޕާލްގެ އައު ޗާޓެއް ދެއްކުމުން އިންޑިއާއެކު ގުޅުން ގޯސްވެގެން ދިޔައެވެ. އޯލީގެ ވެރިކަމުގައި އިންޑިއާ ދޫކޮށް ޗައިނާއަށް ބުރަވެގެން ދިޔަތަންވެސް ފެނުނެވެ.
