އައްޑުސިޓީން ކޮވިޑް-19 ގެ އިތުރު 8 ކޭސް ފެނިއްޖެ އެވެ.
އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) އިން ބުނެފައިވަނީ މިއަދު ފެނިފައިވާ 8 ކޭސްއަކީ ވެސް ޑައިރެކްޓް ކޮންޓެކްޓުގެ ގޮތުގައި ފެނުނު ކޭސްތައް ކަމަށެވެ.
އެގޮތުން 6 ދިވެހީންނާއި 2 ބިދޭސީން މިއަދު ޕޮޒިޓިވް ވި ކަމަށް ވަނީ ބުނެފަ އެވެ.
އައްޑުސިޓީގެ އެކްޓިވް ކޭސްގެ ގޮތުގައި ހިތަދޫ އިން 45، މަރަދޫ އިން 26 އަދި މަރަދޫފޭދޫ އިން 3 ކޭސް ވަނީ ފާހަގަ ކުރެވިފަ އެވެ.
އެ ސިޓީ އިން މިހާތަނަށް 541 ކޭސް ފެނިފައިވާ އިރު، 465 މީހުން ވަނީ ރަނގަޅުވެފަ އެވެ. ކޮވިޑު ބަލީގައި އެ ސިޓީން މަރުވެފައިވަނީ 2 މީހުން ނެވެ.
