އެމެރިކާއާއި އޮސްޓްރޭލިއާގެ އަސްކަރީ އުޅަނދުތަކަށް ފާރަވެރިވާ ޗައިނާ މަނަވަރަކަށް އޮސްޓްރޭލިއާއިން ފާރަލަމުންދާ ކަމަށް ކެމްބަރާއިން ބުނެފިއެވެ. އޮސްޓްރޭލިއާއާއި އެމެރިކާއިން ވަނީ ޓެލިސްމަން ސޭބާ 2021ގެ ނަމުން އަސްކަރީ ތަމްރީނުތައް ބާއްވަން ނިންމާފައެވެ. އޮސްޓްރޭލިއާއިން ލަފާ ކުރަނީ ޗައިނާއިން ވަރަށް ގާތުން މި ހަރަކާތްތައް މޮނީޓާ ކުރާނެ ކަމަށެވެ. މިއީ އެމެރިކާއާއި އޮސްޓްރޭލިއާ އާއެކު ބާއްވާ އެންމެ ބޮޑު އަސްކަރީ ތަމްރީނެވެ. ކުއީންސްލޭންޑް ސްޓޭޓްގައި އޮންނަ މި ތަމްރީންތަކުގައި އެހެން ގައުމުތައް ބައިވެރިވާނެ ކަމަށްވެސް އޮސްޓްރޭލިއާއިން ބުނެއެވެ.
އޭގެ ތެރޭގައި ކެނެޑާއާއި ޖަޕާނާއި ދެކުނު ކޮރެއާއާއި ނިއުޒިލެންޑާއި ޔޫކޭ ސިފައިން ހިމެނެއެވެ. މިއަހަރު ބައިވެރިވާ ސިފައިންގެ އަދަދު ކޮވިޑާ ގުޅިގެން މިދިޔަ އަހަރުތަކަށް ވުރެން މަދުވާނެ ކަމަށް ވެއެވެ.
