ދުނިޔޭގެ ސިއްޙަތު ޖަމުއިއްޔާއިން ކޮވިޑް19ގެ އަސްލު ފެށިގެން އައި ގޮތް ހޯދުމަށް ކުރަމުންދާ މަސައްކަތުގައި ޗައިނާއިން އެއްބާރުލުން ދިނުމަށް ޑަބްލިއުއެޗްއޯގެ ރައީސް ޓެޑްރޮސް އަޑަނަން ގެބްރެޔަސަސް އެދިވަޑައިގެންފިއެވެ. އޭނާ ޗައިނާއަށް ގޮވާލައްވާފައި ވަނީ އިތުރަށް ދެފުށް ފެންނަ ގޮތަށް އަމަލުތައް ބެހެއްޓުމަށެވެ.
ޑަބްލިއުއެޗްއޯއިން ހިންގި ކޮވިޑް19ގެ ފުރަތަމަ ތަހުގީގު ނިމިފައި ވަނީ ފެބްރުއަރީ މަހުގައެވެ. ބީސީސީއާ ވާހަކަ ދައްކަވަމުން އޭނާ ވިދާޅުވެފައި ވަނީ ކޮވިޑް އުފެދިގެން އައި ގޮތް ދަނެގަތުމަށްޓަކައި އެންމެ ފުރަތަމަ މި ބަލީގެ ޝިކާރައަކަށްވި މީހުންގެ ފަރުވާއާ ބެހޭ ލިޔެލިޔުންތައް ލިބުމަކީ މުހިންމު ކަމެކެވެ. މި މަޢްލޫމާތަކީ ޑަބްލިއުއެޗްއޯއާއި ޗައިނާއިން ކުރިން ޙިއްސާކޮށްފައިވާ މަޢްލޫމާތެއް ނޫނެވެ.
އެތައް ފަރާތަކުން ގަބޫލުކުރާ ގޮތުގައި ކޮވިޑް19 ފެށިގެން އައީ ވޫހާން ލެބޯޓްރީން ވައިރަސް ފޭދިގެން ނެނެވެ.
ޗައިނާއިން ބުނާ ގޮތުގައި ބަލި މީހުންނާ ބެހޭ ރެކޯޑްތަކަކީ މީހުންގެ ޒާތީ މަޢްލޫމާތު ހިމެނޭ އެއްޗެއް ކަމުން އިތުރު ފަރާތަކާ އެ މަޢްލޫމާތު ޙިއްސާ ކުރުމަކީ ވެގެންވާނެ ކަމެއް ނޫނެވެ.
