ޕާކިސްތާންގައި މަސައްކަތް ކުރާ ޗައިނާ މީހުން ބަހެއް ގޮވައިގެން މަރުވެފައިވާ މައްސަލަ ތަޙުގީގު ކުރުމަށް ޗައިނާއިން ޕާކިސްތާނަށް ޓީމެއް ފޮނުވަން ނިންމައިފިއެވެ. ޕާކިސްތާންގައި ޗައިނާއިން ހިންގާ ސީޕެކްގެ މަޝްރޫއުގައި މަސައްކަތް ކުރާ ޗައިނާ ބަޔަކު ގޮވައިގެން ދަތުރުކުރި ބަހެއް ވަނީ އޭގައި ގޮވައިގެން ކޯރެއްގެ ތެރެއަށް ވެއްޓިފައެވެ. ކޯހިސްތާންގައި ހިނގާފައިވާ މި ހާދިސާގައި ޗައިނާގެ ނުވަ މީހަކު މަރުވިއެވެ. އަދި ޕާކިސްތާން ސިފައިންގެ ދެ މީހަކުވެސް މަރުވިއެވެ. މި ހާދިސާގައި އިތުރު 39 މީހަކަށް ހާނީއްކަވިއެވެ.
ޕާކިސްތާންގެ އިންފޮމޭޝަން މިނިސްޓަރ ފަވާދު ޗައުދްރީ ވިދާޅުވެފައިވަނީ މި ބަސް ގޮއްވާލާފައިވާ ކަމަށާއި މިއިން ގޮވާތަކެތީގެ އަސަރު ފެންނާން ހުރި ކަމަށެވެ.
ޗައިނާ މީހުން މި ހާދިސާގައި މަރުވުމުން ބެއިޖިންގއަށް ވަނީ ސިހުމެއް ލިބިފައެވެ. މީގެ ކުރިން ޕާކިސްތާނގައި ހުންނަވާ ޗައިނާގެ ސަފީރަށް އަމާޒު ކުރި ޙަމަލައިން އޭނާ ސަލާމަތްވެ ވަޑައިގަތެވެ. އަދި އޭގެ ކުރިން ޗައިނާ މީހުންނަށް ރަށްފުށު މީހުން އުނދަގޫކޮށް، ދަތިކުރުމުގެ ސަބަބުން ސިފައިން އެމީހުންނާއެކު ބޭތިއްބުމުން އެމައްސަލަ ޙައްލު ވެގެން ގޮސްފައި ވެއެވެ.
ޗައިނާއިން ތަހުގީގު ޓީމު ފޮނުވާއިރު، ކުރިން އިމްރާން ޚާންގެ ސަރުކާރުން ބުނެފައި ވަނީ، އެއްވެސް ބޭރުގެ ސިފައިންގެ ބަޔަކަށް ޕާކިސްތާންގައި ހަރަކާތްތެރިވުމަށް ހުއްދައެއް ނުދެވޭނެ ކަމަށެވެ.
