ސަލާމާއި ސަލަވާތް ލެއްވި ކީރިތި ރަސޫލާއަށް ފުރައްސާރަކޮށް ކާޓޫނު ކުރެހި މީހާ ދިގު ދެމިގެން ދިޔަ ބައްޔެއްގައި އުޅުމަށް ފަހު އިއްޔެ ނެތިގެން ހިނގައްޖެއެވެ. ޑެންމާރކްގެ ކަރޓް ވެސްޓަރގާރޑަކީ ބިރަކާއި ނުލައި އިސްލާމް ދީނަށާއި ރަސޫލާއަށް ހަޖޫޖަހާފައިވާ ކާޓޫނުތައް 2005ގައި ކުރަހައިގެން މަޝްހޫރުކަން ހޯދި މީހެކެވެ.
މި ކާޓޫނުތައް ޝާއިއުކުރުމާއެކު އޭނާއަށް ގިނަ ބަޔަކު އިންޒާރުކޮށް ފުރައްސާރަ ކުރިއެވެ. އަދި އޭނާ މަރާލުމަށްވެސް އެތައް ބަޔަކު މަސައްކަތް ކުރިއެވެ. ކާޓޫނުތަކަށްފަހު އަބަދުވެސް އޭނާ އުޅުނީ ފިލައިގެން، ބޮޑީގާޑުންނާއެކުގައެވެ.
ސޯމާލީ މީހަކު އޭނާގެ ގެއަށް ފުރޯއަކާއި ވަޅިއެއް ހިފައިގެން ވަދެ، އޭނާ މަރާލަން މަސައްކަތް ކުރިއެވެ. މިމީހާ 9 އަހަރުގެ ޖަލު ޙުކުމަކަށްފަހު މިނިވަން ވާނީ މިއަހަރުގެ ތެރޭގައެވެ.
