މެލޭޝިއާގައި އޮންލައިން ގޭމްބްލިންގެ ހަރަކާތްތައް ހިންގައި، ޗައިނާ މީހުން އަތުން މަރަކުން ފައިސާ ހޮދަމުން ދިޔަ، ޗައިނާ ރައްޔިތުންގެ ބަޔަކު މެލޭޝިއާއިން ހައްޔަރުކޮށްފިއެވެ. ކުއާލަލަމްޕޫރު ފުލުހުން ބުނިގޮތުގައި މިމީހުން ހައްޔަރުކޮށްފައިވަނީ އެތައް ތަނަކަށް ރެއިޑްކޮށްގެންނެވެ. މީގެ ތެރޭގައި ޖުމުލަ 18 ޗައިނާ ރައްޔިތުން ބައިވެރިވެއެވެ.
މިމީހުން މީހުންނަށް މަކަރު ހަދައިގެން މަހެއްގެ މައްޗަށް ތިން ލައްކަ ރިންގިޓް ހޯދާ ކަމަށް ފުލުހުން ބުނެއެވެ.
މިމީހުން ދިރިއުޅޭ ތަންތަނާއި އޮފީސްތަކަށް ރެއިޑްކޮށްގެން އެމީހުން ގެންގުޅުނު އިލެކްޓްރޯނިކް ސާމާނުތައްވެސް ފުލުހުން އަތުލައިގެންފައި ވެއެވެ. ފުލުހުން އިތުރަށް ބުނެފައި ވަނީ މިމީހުންނާއި މެލޭޝިއާ ފުލުހުންގެ ތެރޭން އެއްވެސް ބަޔަކު ބައިވެރިވެފައިވޭތޯ ބެލުމަށްވެސް މަސައްކަތް ކުރަމުންދާ ކަމަށެވެ.
