އިސްލާމްއާބާދުގައި ހުންނަ އަފްޣާނިސްތާންގެ އެމްބެސެޑަރގެ އަންހެން ދަރިފުޅާ ބެހި ބަޔަކު މީހުން އޭނާއަށް އިސްލާމްއާބާދުގައި ގޯނާ ކޮށްފިއެވެ. މިހާދިސާއާ ގުޅިގެން ކާބުލްއިން ވަނީ އަފްޣާނިސްތާނަށް ކަނޑައަޅާފައިވާ ޕާކިސްތާން އެމްބެސެޑަރ މަންސޫރު އަޙްމަދު ޚާން، އަފްޣާނިސްތާންގެ ފޮރިން މިނިސްޓްރީއަށް ހާޒިރުކޮށް، އިހުތިޖާޖުކޮށްފައެވެ. އަދި މި މައްސަލަ ވަގުތުން ބަލައި ދިނުމަށް އެދި އަންގާފައެވެ.
އަފްޣާނިސްތާން ފޮރިން މިނިސްޓްރީން ބުނެފައި ވަނީ މިއީ މައާފް ކުރެވޭނެ ކަމެއް ނޫން ކަމަށެވެ.
މި ބައްދަލުވުން ނިމުނު ތަނާ އިރުކޮޅެއް ފަހުން ކާބުލްގައި ހުންނަ ޕާކިސްތާން އެމްބެސެޑަރު ޓުއީޓް ކުރެއްވީ، މި ކަން ތަހުގީގު ކުރުމަށް ޕާކިސްތާން ބޮޑު ވަޒީރު އިމްރާން ޚާން، ދާޚިލީ ވަޒީރަށް އެންގެވިކަމަށެވެ.
ޕާކިސްތާނުން ބުނެފައިވަނީ އަފްޣާނިސްތާން އެމެބެސެޑަރާއި އާއިލާއަށް ފުރިހައަމަށް ހިމާޔަތާއި ރައްކާތެރިކަން ކަށަވަރު ކޮށްދޭ ކަމަށެވެ.
އެމްބެސެޑަރގެ ދަރިފުޅު ސިލްސިލާ އަލީޚޭލްއާ ބަޔަކު މީހުން މަގުމަތުން ބެހިފައި ވަނީ އޭނާ ދުއްވަމުން ދިޔަ ކާރު ހުއްޓުވައިގެންގެނެވެ. ބައެއް މީޑިއާގައި ރިޕޯޓް ކޮށްފައިވާ ގޮތުގައި ބަޔަކު މީހުން އޭނާ ކިޑްނެޕް ކުރީއެވެ.
