އިންޑިއާއިން ބަންގްލަދޭޝްގެ ފޭރާން އުފެއްދުމުގެ ދާއިރާގައި އިންވެސްޓް ކުރަން ނިންމައިފިއެވެ. ސޯޓެކް ފެޝަން އޮފް އިންޑިއާއިން ވަނީ ބަންގްލަދޭޝް އެކްސްޕޯޓް ޕްރޮސެސިންގ ޒޯން އޮތޯރޮޓީގައި 9.29 މިލިއަން ޑޮލަރު އިންވެސްޓް ކުރުމަށް ނިންމާފައެވެ. މިއިންވެސްޓްމެންޓާއެކު އެކުންފުނިން ރެޑީމޭޑް ހެދުން އުފައްދާ ކާރުޚާނާއެއް ބިނާ ކުރާނެއެވެ.
ސޯޓެކް ފެޝަންއަކީ އިންޑިއާގެ ހެދުން އުފައްދާ އެނމެ ބޮޑު އެއް ކުންފުނިކަމަށްވާ ޝާހީ އެކްސްޕޯޓްސްގެ ގޮތްޕެކެވެ. ސޯޓެކްއަކީ 3.36 މިލިއަން ހެދުން އަހަރަކު އުފައްދާ ކުންފުންޏެކެވެ. އަދި މި ކާރުޚާނާ އުފެއްދުމުން ބަންގްލަދޭޝްގައި 3393 މީހުންނަށް ވަޒީފާ ލބިގެންދާނެއެވެ.
މިއަހަރު ބަންގްލަދޭޝްއިން އީދާ ދިމާކޮށް ދީފައިވާ ލުއިތައް ސާފު ނުވާތީ ހެދުން އުފެއްދުމުގެ ދާއިރާގައި މަސައްކަތް ކުރާ މީހުންގެ 30 އިންސައްތަ މީހުން ބަންދު ތެރޭގައި މަސައްކަތް ކުރާނެ ކަމަށް، ހެދުން އުފައްދުގެ މަސައްކަތުގައި އުޅޭ މީހުންގެ ޖަމުއިއްޔާއިން ބުނެއެވެ.
