އަފްޣާނިސްތާންގެ ދަންނަބޭކަލުން ވަނީ އަފްޣާނިސްތާންގެ ހަނގުރާމަ ހުއްޓާލައި ސުލްޙައަށް ގޮވާލާފައެވެ. ދަންނަބޭކަލުން ބާއްވާ ކޮންފަރެންސްގައި ވާހަކަ ދެއްކި މީހުން ތުހުމަތު ކުރާ ގޮތުގައި މިހާރު އަފްޣާނިސްތާންގައި ހިނގަމުންދާ ހަމަނުޖެހުމުގައި ޕާކިސްތާންގެ ސިޔާސީ ފަރާތްތަކާއި ޕާކިސްތާންގެ ދަންނަބޭކަލުންގެ އަތެއް ވެއެވެ. އަފްޣާން ދަންނަބޭކަލުން ބުނެފައި ވަނީ މިހާރު ހިނގަމުންދާ ހަމަނުޖެހުމުގެ ސަބަބުން ފުރާނަތައް ގެއްލި ގައުމު ހަލާކުވެގެން ދަނީއެވެ.
ދަންނަބޭކަލުން ބުނެފައި ވަނީ ތާލިބާނުން ސުލްޙައަށް އެއްބަސް ނުވަނީނަމަ، އަފްޣާނިސްތާންގެ ރައްޔިތުން ތާލިބާނާ ދެކޮޅަށް ނިކުންނާނެ ކަމަށެވެ. އަދި އެމީހުން ބުނެފައިވަނީ އެއްވެސް ސަރުކާރަކީ މުގައްދަސް ސަރުކާރެއް ނޫން ކަމަށެވެ. އެހެންނަމަވެސް މީހުންގެ ފުރާނައަކީ މުގައްދަސް އެއްޗެއް ކަމަށެވެ. އަދ އެއްވެސް މީހެއްގެ ލޭ ހުއްދަވެގެން ނުވާނެ ކަމަށެވެ.
މިކޮންފަރެންސް ބާއްވާފައި ވަނީ ދަންނަބޭކަލުންގެ މަޖިލީހުންނެވެ. މިއީ ވަކި އޮފީހެއްގައި ގާއިމްވެގެންވާ މުއައްސަސާއެކެވެ.
