އީރާނަށް ވަގަށް ވަދެފައިވާ ޕާކިސްތާން ބަޔަކު އީރާނުން ޕާކިސްތާނާ ޙަވާލުކޮށްފިއެވެ. އީރާންގެ އެކި ހިސާބުތަކުން ހިފެހެއްޓި 306 ޕާކިސްތާން މީހުން ޕާކިސްތާނާ ހަވާލުކޮށްފައި ވަނީ ޓަފްޓާން ބޯޑަރު ސަރަހައްދުގައެވެ.
މިމީހުން އެކި ހިސާބުހިސާބުން ހިފަހައްޓައިގެން ބަންދުގައި ގެންގުޅުމަށްފަހު އީރާނުން މިމީހުންނާއެކު ތަހުގީގު ކޮށްފައިވާ ބައެކެވެ. އަދި މިމީހުން ކޮރޯނާއަށް ޓެސްޓް ކުރުމުން ނައްސިވެފައި ވެއެވެ.
އީރާނު ފުލުހުން ބުނިގޮތުގައި ހައްޔަރު ކުރި މީހުން ބޭނުންވީ ޔޫރަޕަށް އީރާނު މަގުން އެތެރެވާށެވެ.
ޑޯން ނޫހުން ބުނިގޮތުގައި މި މީޙުންގެ ތެރޭން ގިނަ މީހުންނަކީ ޕަންޖާބުގެ މީހުންނެވެ. އޭގެ އިތުރުން ކަޝްމީރާއި ބަލޯޗިސްތާނާއި ޕަޚްތޫން ޚުވާގެ މީހުންނާއި ސިންދުގެ މީހުންވެސް ހިމެނެއެވެ.