އިންޑިއާގެ ކަޝްމީރުގައި ޓެރަރިސްޓް ޖަމާއަތްތަކާ ގުޅުން ބާއްވާ ކުދިންނާއި އެފަދަ ޖަމާއަތްތަކުން ރެކްރޫޓް ކުރާ ކުދިން ހޯދައިގެން އެމީހުންނަށް ކައުންސެލިންގ ދިނުމުގެ މަސައްކަތް ސަރުކާރުން ފަށައިފިއެވެ. ސަރުކާރުން ބުނެފައިވާ ގޮތުގައި އެންމެ ފުރަތަމަ ބެޗްގައި ކައުންސެލިންގ ދީފައި ވަނީ އަނަންޓާންގ އޭރިއާގައި ޓެރަރިސްޓުން ރެކްރޫޓް ކުރުމަށް ތައްޔާރުކޮށްފައިވާ ކުދިންނެވެ.
މި ބެޗްގައި ހިމެނޭ 14 ފިރިހެން ކުދިނަށް ކައުންސެލިންގ ދީފައި އެމީހުން އާއިލާތަކާ ޙަވާލުކޮށްފައި ވެއެވެ. މިކުދިންގެ އުމުރަކީ 18 އަހަރާއި 22 އަރާ ދެމެދެވެ.
