އަފްޣާނިސްތާންގައި ތާލިބާނުން ހޯދާ ކާމިޔާބީއަށް ޕާކިސްތާންގައި ސިފައިންގެ މުއައްސަސާއިން އުފާފާޅުކުރުމަކީ ކައިރި މުސްތަގްބަލެއްގައި ޕާކިސްތާނުން ހިތާމަ ކުރާނެ ކަމެއް ކަމަށް ފޮރިން އެފެއާޒް މަޖައްލާއިން ބުނެފިއެވެ. ތާލިބާނުން ހޯދަމުންދާ ކާމިޔާބީގެ މަސްތުގައި އެމީހުން ޕާކިސްތާނަށް ދީލާނުލާނެ ކަމަށް މި މަޖައްލާއިން ބުނެއެވެ. އަދި ޕާކިސްތާނުގެ ބަސްއަހައިގެން ތާލިބާނުން އުޅެދާނެކަމަށް ގަބޫލު ކުރުމަކީ ކުށް ހީއެއް ކަމަށެވެ.
ފޮރިން އެފެއާޒުން ބުނިގޮތުގައި އެމެރިކާއިންވެސް ތާލިބާނަކަށް އިތުބާރެއް ނުކުރާނެއެވެ.
އެމެރިކާއިން ބުނެފައިވާ ގޮތުގައި ތާލިބާނުން ވަނީ މިހާތަނަށް އަފްޣާނިސްތާންގެ ޑިސްޓްރިކްޓްތަކުގެ ތެރޭން ދެބައިކުޅަ އެއްބައި އެމީހުންގެ ކޮންޓްރޯލްގެ ދަށަށް ގެނަސްފައެވެ.
ފޮރިން އެފެއާޒް މަޖައްލާއިން ބުނާ ގޮތުގައި ޕާކިސްތާން ސިފައިން ތާލިބާން ބޭނުން ކުރަނީ އަފްޣާނިސްތާގައި އިންޑިއާއިން އިންވެސްޓްކޮށް، ކާބުލްއާއެކު ގާތް ގުޅުމެއް ބޭއްވުމުގެ ސަބަބުން އެކަން ހަމަހަމަކުރުމަށް ބާރެއްގެ ގޮތުގައެވެ. ނަމަވެސް ތާލިބާނަކީ، ޕާކިސްތާނުން އަމިއްލައަށް އުފައްދާ ފުރޭތައެއް ކަމަށް ބުނެފައި ވެއެވެ.
