ނެދަރލެންޑްސްގައި ޗައިނާގެ ޓިކްޓޮކް ޖުރިމާނާ ކޮށްފިއެވެ. ނެދަރލެންޑްސްގެ ޑަޗް ޑޭޓާ ޕްރޮޓެކްޝަން އޮތޯރިޓީން ބުނެފައި ވަނީ ކުޑަކުދިންނަށް ޑޭޓާ ޕްރައިވެސީގެ މަޢްލޫމާތު ނުލިބޭ ގޮތަށް ޓިކްޓޮކްއިން އަމަލު ކޮށްފައިވާތީ ޖުރިމާނާ ކުރީ ކަމަށެވެ.
ޓިކްޓޮކް ޖުރިމާނާ ކޮށްފައި ވަނީ ހަތްލައްކަ ފަންސާސްހާސް ޑޮލަރުންނެވެ.
ނެދަރލެންޑްސްއިން ބުނޮގޮތުގައި 2018ން ފެށިގެން ޖޫނ 2020އާ ހަމައަށް ނެދަރލެންޑްސްގައި ޓިކްޓޮކުން އެ އެޕް ބޭނުންކުރާ މީހުންގެ ޒާތީ މަޢްލޫމާ މެދު މުއާމަލާތު ކުރާގޮތް ހާމަކުރާ ބަޔާން (ޕްރައިވެސީ ސްޓޭޓްމެންޓް) ހުށަހަޅާފައި އޮތީ އިނގިރޭސި ބަހުންނެވެ. އަދި ނެދަރލެންޑްސްގެ ކުޑަކުދިންނަށް އިނގިރޭސި ބަސް އެނގޭނެ ކަމަށް ބެލުމަލީ ޓިކްޓޮކުން އެ ފަރާތުގެ ގާނޫނީ ވާޖިބު އަދާ ކުރުމަށް ފަރުވާ ކުޑަކުރުމެއް ކަމަށް ބަލައި އެގޮތަށް ނިންމީ ކަމަށެވެ.
ނެދަރލެންދްސްގައި އުމުރުން ހަ އަހަރާއި 19 އަހަރާ ދެމެދުގެ އެއް މިލިއަން އިންސާނުން ޓިކްޓޮކް ބޭނުން ކުރެއެވެ. އަދި ޗައިނާގެ ކުރު ވީޑިއޯ އެޕް ބޭނުން ކުރާ މީހުންގެ އަދަދު އެގައުމުގައި 3.5 މިލިއނަށް އަރައެވެ.
