އިންޑިއާއަކީ ވިޔަފާރިއަށް ފަހިކޮށްދޭ ގައުމެއްކަމަށް އދން ބުނެއެވެ. އދން ވަނީ 143 ގައުމެއް ސާވޭކޮށް، އެގައުމުތަކުގައި ވިޔަފާރި ކުރުމުގެ ފަސޭހަކަމާ ބެހޭ ގޮތުން މާކްސް ދީފައެވެ. އިންޑިއާއަށް ލިބިފައި ވަނީ 90.32 އެވެ.
އދގެ އިކޮނޮމިކް އެންޑް ސޯޝަލް ކޮމިޝަން އޯ އޭޝިއާ އެންޑް ދަ ޕެސިފިކް (ޔުނެސްކެޕް)ގެ ސާރވޭގައި 2019ގައި އިންޑިއާ އަށް ލިބުނީ 78.49 މާކްސްއެވެ.
ގައުމުތަކުގައި ވިޔަފާރިއަށް ފަސޭހަ ކޮށްދޭ މިންގަނޑު ބަލައި ދަރަޖަ ކުރަނީ ފަސްކަމަކަށް ބަލައިގެންނެވެ. އެއީ، ވިޔަފާރި ހުއްދަ ދިނުމުގައި ދެފުށް ފެންނަ ގޮތަށް ކަންކަން ހަމަޖައްސާފައި އޮތުމާއި، ހުއްދަ ދިނުމުގެ އިޖުރާއާތު ހަމަޖެހިފައި އޮންނަ ފަސޭހަކަމާއި އަދި ހުއްދަ ދޭ މުއައްސަސާގައި ކަންކަން އިންތިޒާމު ކުރެވިފައި އޮންނަ ގޮތާއި، މުއައްސަސާއިން ވިޔަފާރިތަކާއެކު ބާއްވާ ގުޅުމުގެ ފެންވަރާއި، ކަރުދާހާ ނުލައި ވިޔަފާރި ހުއްދައާއި އެއާގުޅިގެން ކުރަން ޖެހޭ ކަންކަން ކުރެވޭ ގޮތް ހަމަޖައްސާފައި އޮންނަ ގޮތްތަކާއި ބޭރުގެ ފަރާތްތަކާއެކު ވިޔަފާރިކުރުމުގެ ފަސޭއިގެ މައްޗަށް ބަލައިގެންނެވެ.
މި ފަސްކަމުގެ ތެރެއިން ގިނަ ކަންކަމަށް އިންޑިއާއަށް ވަރަށް މަތިން މާކްސް ލިބިފައި ވެއެވެ. ޔުނެސްކެޕް އިން މި ސާވޭ ކުރަނީ ކޮންމެ ދެއަހަރަކުން އެއްފަހަރުއެވެ.
އިންޑިއާއިން ބުނާ ގޮތިގައި މިކުރިއެރުން ލިބިގެން ދިއުމުގެ މައިގަނޑު ސަބަބަކީ މިފަހަކަށް އައިސް ކަސްޓަމްސްއިން ބައެއް ގަވާއިދުތައް ފަސޭހަކޮށް ދިނުމުންނެވެ.
