ރ. ދުވާފަރު ސިއްހީ މަރުކަޒަށް ގެންދިޔަ މީހަކު ކޮވިޑު ޖެހިގެން މަރުވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ އޭނާ މަރުވެފައިވަނީ މިއަދު ކަމަށާއި އެއީ އުމުރުން 66 އަހަރުގެ ދިވެހި ފިރިހެނެއް ކަމަށެވެ.
މިއާއެކު ކޮވިޑު ޖެހިގެން ރާއްޖެއިން މަރުވި މީހުންގެ އަދަދު 220 އަށް އެރީ އެވެ. އަދި މިއީ ކޮވިޑް ބަލި ރާއްޖޭގައި ފެތުރެން ފެށި ފަހުން އެ ރަށުން މަރުވި ތިން ވަނަ މީހާ އެވެ.
ދުވާފަރަކީ މެއި މަހުގެ 25 ވަނަ ދުވަހުން ފެށިގެން މޮނިޓަރިންއަށް ގެނެސް އަރާ ފޭބުން މަނާކޮށްފައިވާ ރަށެކެވެ.
އެ ރަަށުގައި 145 މީހުން ކޮވިޑަށް ޕޮޒިޓިވްވެފައިވާ އިރު، ފާއިތުވި 24 ގަޑިއިރުގެ ތެރޭގައި ބަލިން ރަނގަޅުވެފައި ވަނީ 10 މީހުން ނެވެ. އަދި މިހާތަނަށް އެ ރަށުން 487 މީހަކަށް ބަލިޖެހިފައިވެއެވެ. 340 މީހަކު ވަނީ ބަލިން ފަސޭހަވެފަ އެވެ.
