އދ. ކުނބުރުދޫއަށް ނިސްބަތްވާ ޒުވާނަކު ގެއްލިގެން ހޯދަން ފަށައިފި އެވެ.
ގެއްލިގެން ހޯދަނީ އަހުމަދު ނައުފަލް ނަމަކަށް ކިޔާ މި ޒުވާނާ ގެއްލިގެން ހޯދަން ފަށާފައިވަނީ މިދިޔަ ބުރާސްފަތި ދުވަހު ކަމަށް ޢާއިލާއިން ބުންޏެވެ.
ޢުމުރުން 26 އަހަރުގެ ނައުފަލް ކަންނެލި ދަތުރު ކުރުމަށް ފަހު، މާލެއަށް ފޭބީ މިމަހުގެ 21 ވަނަ ދުވަހު ކަމަށް ވެސް ޢާއިލާ އިން ވަނީ ބުނެފަ އެވެ.
ނައުފަލްގެ ޢާއިލާއިން ބުނީ އޭނާގެ ޚަބަރެއް ވެފައިވަނީ މީގެ ތިން ދުވަސް ކުރިން ކަމަށެވެ. އަދި އެއަށް ފަހު ވައިބަރ އިން އޮންލައިން ވެފައިވަނީ މިމަހުގެ 27 ވަނަ ދުވަހު ކަމަށެވެ.
އޭނާ ގެއްލިގެން ހޯދަން އެދި އާއިލާއިން ވަނީ ފުލުހުންނަށް ވެސް މައްސަަލަ ހުށަހަޅާފަ އެވެ.
ނައުފަލްގެ އެއްވެސް މައުލޫމާތެއް ލިބިއްޖެ ނަމަ ފުލުހުންނަށް ނުވަތަ އޭނާގެ ކޮއްކޮ އަލީ ނާއިޒު (9677524) އަށް ލަސްނުކޮށް އެންގުމަކީ އޭނާގެ އާއިލާގެ ވަރަށް ބޮޑު އެދުމެކެވެ.
