ދެ ރަށެއްގެ މޮނިޓަރިންގ އުވާލައިފި އެވެ.
ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ) އިން ބުނީ އއ. ތޮއްޑޫ އާއި އެ އަތޮޅު ރަސްދޫގެ މޮނިޓަރިންގ ހާލަތު އުވާލާފައިވާ ކަމަށެވެ. އަދި އެ ދެ ރަށް މޮނިޓަރިންގ ހާލަތުން ނެގީ އެ ރަށްރަށުން ނެގި ރެންޑަމް ސާމްޕަލްތަކުގެ ނަތީޖާތައް ނެގަޓިވް ވުމުން ކަމަށެވެ.
ތޮއްޑޫ މޮނިޓަރިންގ އަށް ލާފައިވަނީ މިދިޔަ މެއި މަހުގެ 24 ވަނަ ދުވަހު އެވެ. އަދި ރަސްދޫ މޮނިޓަރިންގެ ހާލަތަށް ގެނެސްފައި ވަނީ މިމަހުގެ 17 ވަނަ ދުވަހު އެވެ.
މި ދެ ރަށް މީގެ ކުރިންވެސް މިއަހަރު ތެރޭގައި މޮނިޓަރިން އަށް ލާފައި ވެއެވެ.
މިވަގުތު މޮނިޓަރިންގެ ހާލަތުގައި އޮތީ ހއ ތަކަންދޫ، ހއ. ދިއްދޫ ހދ. ކުޅުދުއްފުށި، ށ. ފޯކައިދޫ، ށ. ފީވައް، މ. ކޮޅުފުށި، ރ. ދުވާފަރު، ކ ކާށިދޫ، ގއ. ކޫއްޑޫ އަދި ގދ. ނަޑެއްލާ އާއި ފުވައްމުލަކެވެ.
އެޗްޕީއޭއިން ގައިޑްލައިންތަކަށް ގެނެސްފައިވާ ބަދަލާ އެކު ބަލި ޖެހުނުތާ 60 ދުވަސް ނުވާ މީހުންނާއި ކޮވިޑް-19 ވެކްސިން ދެ ޑޯޒު ފުރިހަމަ ކޮށްގެން ދާ މީހުންވެސް މޮނިޓަރިންގެ ހާލަތުގައި ހުރި ރަށްރަށުގައި 14 ދުވަހު ކަރަންޓީން ވާން ޖެހޭނެ އެވެ.
