ޑޮކްޓަރަށް ދެއްކި މީހަކު ޕޮޒިޓިވްވެ، މަރަދޫ ސިއްހީ މަރުކަޒު ބަންދުކޮށްފި އެވެ.
މަރަދޫ ސިއްހީ މަރުކަޒުން ބުނީ ޕޮޒިޓިވްވީ ބަލިވެގެން ޑޮކްޓަރަށް ދެއްކި މީހެއް ކަމަށެވެ. އަދި އެމީހާ މަރަދޫ ސިއްހީ މަރުކަޒަށް ދައްކާފައިވަނީ 26 ވަނަ ދުވަހު ކަމަށެވެ.
ޢާންމު އުސޫލުގެ ތެރެއިން އެޑްމިޓް ކުރަން ޖެހުމުން އޭނާ ކޮވިޑަށް ޓެސްޓު ކުރީ ކަމަށް ވެސް މަރަދޫ ސިއްހީ މަރުކަޒުން ބުނެ އެވެ. އަދި ފުލޫގެ އެއްވެސް އަލާމާތެއް ނެތް ނަމަވެސް އޭނާގެ ސާމްޕަލް މިދިޔަ ބުދަ ދުވަހުގެ ރޭ ލިބުނު އިރު ކޮވިޑަށް ވަނީ ޕޮޮޒިޓިވްވެފައި ކަމަށް ވެސް ބުންޏެވެ.
އެހެންވެ، މަރުކަޒުގެ ޑޮކްޓަރާއި ދެ އެޓެންޑެންޓުންނާއި ތިން ނަރުހުން ޑައިރެކްޓް ކޮންޓެކްޓުންނަށް ވުމުން އެ ރަށު ސިއްހީ މަރުކަޒުން ދެމުންދިޔަ ޚިދުމަތް ތިން ދުވަހަށް މެދުކަނޑާލާފައިވާ ކަމަށް ވަނީ ބުނެފަ އެވެ.
