އިންޓަރނެޓާ ގުޅިގެން ކުރިމަތިވާ މައްސަލަތައް ރިޕޯޓުކުރުމަށް ޚާއްސަ ނަމްބަރެއް ތަޢާރަފްކޮށްފި އެވެ.
އެންވަޔަރަންމެންޓް އެންޑް ޓެކްނޮލޮޖީ މިނިސްޓްރީން ގާއިމުކުރި ހޮޓްލައިން ނަންބަރަކީ 1515 އެވެ.
އެ މިނިސްޓްރީން ބުނި ގޮތުގައި މި ހޮޓްލައިނަކީ ނެޓުހެޔޮ ކެމްޕޭނުގެ ދަށުން އިންޓަރނެޓް ބޭނުންކުރާ ފަރާތްތަކަށް ކުރިމަތިވާ ދަތިތަކާއި އިންޓަރނެޓް ޚިދުމަތްދޭ ފަރާތްތަކުގެ ޝަކުވާ މިނިސްޓްރީއަށް ހުށަހެޅުމަށްޓަކައި ގާއިމުކުރި ހޮޓްލައިނެއް ކަމަށެވެ. އަދި މިއީ ހިލޭ ގުޅޭނެ ނަމްބަރެއް ކަމަށް ވެސް ބުނެފައި ވެއެވެ.
ރާއްޖޭގައި އިންޓަރނެޓުގެ އަގުތަކަށް ބަދަލުގެނައުމަށް ނިންމައި އެ އަގުތައް އިއުލާންކުރީ މިދިޔަ މެއި މަހުގެ 27 ވަނަ ދުވަހު އެވެ.
އިންޓަރނެޓު އަގުހެޔޮކުރުމަކީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ރިޔާސީ ވައުދުފުޅެކެވެ.
