ގެއްލިގެން ހޯދަމުން ދިޔަ ކުނބުރުދޫ ޒުވާނާ ފެނިއްޖެ ކަމަށް މަޢުލޫމާތު ލިބިއްޖެ އެވެ.
ރާއްޖޭގެ ބައެއް އޮންލައިންތަކުގައި ބުނެފައިވަނީ އޭނާ ފެނިފައިވަނީ މިއަދު ކަމަށެވެ. އަދި ހާލު ރަނގަޅު ކަމަށެވެ.
އދ. ކުނބުރުދޫއަށް ނިސްބަތްވާ އަހުމަދު ނައުފަލް ނަމަކަށް ކިޔާ މި ޒުވާނާ ގެއްލިގެން ހޯދަން ފަށާފައިވަނީ މިދިޔަ ބުރާސްފަތި ދުވަހު އެވެ.
ޢުމުރުން 26 އަހަރުގެ ނައުފަލް ކަންނެލި ދަތުރު ކުރުމަށް ފަހު، މާލެއަށް ފޭބީ މިމަހުގެ 21 ވަނަ ދުވަހު ކަމަށް ވެސް ޢާއިލާ އިން ވަނީ ބުނެފަ އެވެ.
ނައުފަލްގެ ޢާއިލާއިން ބުނީ އޭނާގެ ޚަބަރެއް ވެފައިވަނީ މީގެ ތިން ދުވަސް ކުރިން ކަމަށެވެ. އަދި އެއަށް ފަހު ވައިބަރ އިން އޮންލައިން ވެފައިވަނީ މިމަހުގެ 27 ވަނަ ދުވަހު ކަމަށެވެ.
