ގއ. ވިލިނގިލި މޮނިޓަރިން އިން ނެގިތާ ހަފުތާއެއްވެސް ނުވަނީސް އަނެއްކާވެސް މޮނިޓަރިން އަށް ލައިފި އެވެ.
ވިލިނގިލި މޮނީޓަރިންގ ހާލަތަށް ގެނެސްފައިވަނީ މިއަދުގެ ހެނދުނު 09:00 ގައި އެވެ. އަދި އެކަން އެޗްޕީއޭއިން ވަނީ ރަސްމީކޮށް އެރަށުގެ ކައުންސިލަށް އަންގާފައި އެވެ.
ޑިރެކްޓަރ ޖެނެރަލް އޮފް ޕަބްލިކް ހެލްތް ސޮއި ކުރައްވާ މިރޭ ނެރުނު ލިޔުމުގައި ބުނެފައިވާ ގޮތުގައި އެރަށް މޮނީޓަރިންގ ހާލަތަށް ގެނެސްފައިމިވަނީ ކޮވިޑް-19 އާއި ގުޅިގެން އިތުރަށް ބަލަން ޖަހޭ ކަންކަން ބެލުމަށެވެ.
އެނގިފައިވާ ގޮތުގައި އެ ރަށް މޮނިޓަރިންއަށް ލާފައި ވަނީ އަލާމާތްތައް ފެނިގެން އެރަށު ފުލޫ ކުލިނިކަށް ދެއްކި މީހަކު މިއަދު ޕޮޒިޓިވްވުމާ ގުޅިގެންނެވެ.
