ޑްރޯން ހަނގުރާމައާ ކުރިމަތިލުމުގެ ގޮތުން އިންޑިއާގެ ވައިގެ ސިފައިން ވަނީ ޑްރޯން ވައްޓާލާ އަސްކަރީ ނިޒާމަކަށް އިންވެސްޓް ކުރުމަށް ނިންމާފައެވެ. އިންސާނަކު ނުހިމެނޭ ގޮތަށް ދުރުން ބާރުގެ ބޭނުންކޮށްގެން ވައިގެ ތެރޭގައި އުދުއްސާ އުޅަނދުތައް ވައްޓާލުމަށް ބޭނުންވާ ނިޒާމެއް އުފައްދައި ދޭނެ ފަރާތެއް ހޯދުމަށް އިންޑިއާގެ ވައިގެ ސިފައިން އިޢުލާން ކުރުމުން އިންޑިއާގެ ކުންފުނިތަކުން ވަނީ މިކަމަށް އިޖާބަ ދީފައެވެ. ގައުމީ އުފެއްދުންތެރިކަމަށް ހިތްވަރު ދިނުމުގެ ގޮތުން ކުރި އިޢުލާނާ ގުޅިގެން ހުށަހެޅި ފަރާތްތަކުގެ ތެރޭން ދިހަ ފަރާތެއް މިހާރު ވަނީ ހޮވާފައެވެ.
އިންޑިއާގެ ވައިގެ ސިފައިން ޑްރޯން ވައްޓާލާ ނިޒާމެއް ގާއިމުކުރުމަށް ނިންމީ، ޖޫން 27ގައި ކަޝްމީރު ސަރަހައްދުގައި ސިފައިންނަށް މިފަދަ ޑްރޯން ހަމަލާތަކެއް އަމާޒުކުރުމާ ގުޅިގެންނެވެ.
