މީގެ ނުވަ އަހަރު ފަހުން، 2030ގައި އިންޑިއާ ތަސައްވަރު ކުރެވެނީ، ދުނިޔޭގައި އުފެއްދުންތެރިކަމާއި އިގްތިސާދުގެ ކޮންމެ ގިންތިއަކުންވެސް އެންމެ ކުރިއަރާފައިވާ ގައުމުކަމަށް ވެގެން ގޮސްފައިވާ މަންޒަރެވެ. އަދި އެންމެ ބައިބޯ ގައުމުގެ ގޮތުގައި ހިމެނި، އަދި މަތީ ތަޢުލީމު ހާސިލުކޮށްފައިވާ އެންމެ ގިނަ ގުރެޖުއޭޓުން ހިމެނޭ، އެންމެ ފުޅާ މެދުފަންތި އޮންނަ ގައުމުގެ ގޮތުގައި އަދި އެންމެ ގިނައިން މޮބައިލް ފޯނާއި އިންޓަރނެޓް ބޭނުން ކުރާ އާބާދީގެ ގޮތުގައި ވެސް އިންޑިއާ ހިމެނޭނެ އެވެ. އިންޑިއާ ވެގެންދާނީ ދުނިޔޭގެ ތިންވަނައަށް އެންމެ ބޮޑު އަސްކަރީ ބާރަށެވެ. އަދި އުމުރުން 25 އަހަރުން ދަށުގެ އުފެއްދުންތެރި 600 މިލިއަން މީހުން ދިރިއުޅޭ ދުނިޔޭގެ އެންމެ ބޮޑު ޑިމޮކްރެސީގެ ގޮތުގައި އިންޑިއާ ވެގެންދާނެއެވެ. މިއީ އެމެރިކާއިން އިންޑިއާއަށް ކަނޑައަޅާފައި ހުރި ކުރީގެ ސަފީރު ރިޗަރޑް ވަރްމާ، ޖިންޑާލް ޔުނިވަރސިޓީގެ ދަސްވެނިވުމުގެ އިހުތިފާލުގައި އިންޑިއާގެ ކުރިމަގު ސިފަ ކުރެއްވި ގޮތެވެ.
ވަރުމާ ވިދާޅުވީ ތާރީޚް ނިއުޅެމުން މިހިރަ ދަނީ އަހަރަމެން އެންމެންގެ ލޯ މަތިންނެވެ. ކުރިއަށް މިއޮތް ދިހަ އަހަރުގެ ތެރޭގައި އިންޑިއާއިން ދެ ޓްރީލިއަން ޑޮލަރު އުމުރާނީ ތަރައްގީއަށް ހޭދަ ކުރާނެއެވެ. ވަރުމާ ވިދާޅުވިގޮތުގައި މިހާރުވެސް އިންޑިއާގައި 100 އެތައް އެއަރޕޯޓެއް ބިނާ ކުރުމުގެ މަސައްކަތުގައި ނުވަތަ ޕްލޭނިންގެ ފައްތަރުގައި އެބައޮތެވެ.
ދަސްވެނިންނާ ވާހަކަދައްކަވަމުން އޭނާ ވިދާޅުވީ 2050އަށް އިންޑިއާގެ އިގްތިސާދީ އުފެއްދުންތެރިކަމާއި ހިންގުމުގެ މުގުލުގައި ހިފަހައްޓައިގެން ތިބޭނީ މިއަދުގެ ދަސްވެނިންނެވެ.
