ޕާކިސްތާނުން ޓެރަރިސްޓް ޖަމާއަތްތަކަށް ތާއީދު ކުރުން ހުއްޓާލުމަށް ބާރުއެޅުމަށް ބައިނަލްއަގްވާމީ ޖަމާއަތުން މަސައްކަތް ކުރަން ޖެހޭނެކަމަށް ޕާކިސްތާންގެ ޑިޕްލޮމޭޓް ޙުސެއިން ޙައްޤާނީ ވިދާޅުވެއެވެ. އޭނާ ވިދާޅުވާ ގޮތުގައި ތާލިބާނުންގެ މަދަދުގާރަކީ ޕާކިސްތާނެވެ. ޕާކިސްތާން ސަރުކާރުން މިކަން ހުއްޓާލަން ޖެހެއެވެ.
ސީއެންއެންއާ ވާހަކަ ދައްކަވަމުން ކުރިން އެމެރިކާއާއި ސްރީލަންކާއަށް އައްޔަން ކުރައްވާފައި ހުންނެވި ސަފީރު ހައްގާނީ ވިދާޅުވީ އަފްޣާނިސްތާންގެ ދިގު ދެމިގެން ދިޔަ ހަނގުރާމައިގެ މުގުލުގައި ހުރީ ޕާކިސްތާންކަން ބައިނަލްއަގްވާމީ މުޖުތަމައަށް ނޭނގެނީ ހެއްޔެވެ؟ އަދި އޭނާ ވިދާޅުވީ ސަރަހައްދުގައި ހިނގަމުންދާ ހުރިހައި ޓެރަރިސްޓް ހަމަލަތަކެއްގެ ފަހަތުގައި ހުރީ ޕާކިސްތާން ކަމަށެވެ.
ޕާކިސްތާންގެ ސިޔާސަތަށް ފާޑު ވިދާޅުވަމުން ތަޖުރިބާކާރު ޑިޕްލޮމޭޓް ވިދާޅުވީ، ޓެރަރިޒަމްއަކީ ޕާކިސްތާންގެ ޚާރިޖީ ސިޔާސަތުގެ ބައެއް ކަމަށެވެ.
އޭނާގެ ފާޑުކިޔުން އެމެރިކާއަށް އަމާޒު ކުރައްވަމުން ވިދާޅުވީ އެމެރިކާއަށް ޕާކިސްތާންގެ އަމަލުތައް ނުހުޓުވަންވީ ސަބަބެއް ނެތް ކަމަށެވެ. އަދި މިހާރު ދާގޮތަށް ކަންކަން ދަނީނަމަ، އަފްޣާނިސްތާން ވެގެންދާނީ އަހުލީ ހަނގުރާމައެއްގެ ތެރޭގައި ކެކޭނެ ގައުމަކަށެވެ. ތާލިބާނުން އަލްގައިދާއާއި އައިސިސްއާ އެކު ގާތް ގުޅުމެއް ބާއްވާކަމަށްވެސް ހައްގާނީ ތުހުމަތު ކުރެއްވިއެވެ.
