އަފްޣާނިސްތާންގެ ވަގުތީ ދިފާއީ ވަޒީރުގެ ގެއާ ކައިރީގައި ރޭ ކާރު ބޮމެއް ގޮއްވާލައިފިއެވެ. މި ހަމަލަ އަމާޒުކުރި އިރު ޖެނެރަލް ބިސްމިﷲ މުޙައްމަދީ ގެއަކު ވަޑައިގެން ނޫޅުއްވައެވެ. މި ހަމަލާ ދީފައި ވަނީ ކާބުލްގެ ޝީރުޕޫރް ޑިސްޓްރިކްޓްގައެވެ. މިއީ ގިނަ އަދަދަކަށް ސަރުކާރު މުވައްޒަފުން ދިރިއުޅޭ ބައިބޯ ސަރަހައްދެކެވެ.
ތާލިބާނުން ހިންގާފައިވާ ޖަރީމާއެއްކަމަށް ތުހުމަތު ކުރެވޭ މި ހަމަލާގައި ޖެނެރަލް ބިސްމިﷲގެ ގެސްޓްހައުސްއަށް ވަދެ ބަޔަކު މީހުން އަތު ބޮމުން ހަމަލަދިން ކަމަވެސް ވެއެވެ.
ތާލިބާނުން ވަނީ މިހާތަނަށް އުތުރުގެ ބޮޑެތި ސަރަހައްދުތައް އެމީހުންގެ ކޮންޓްރޯލްގެ ދަށަށް ގެންގޮސްފައެވެ. އަދި ސިފައިންގެ ބަރު ހަތިޔާރުވެސް މިމީހުން ވަގަށް ނަގާފައިވާ ކަމަށް ރިޕޯޓްތައް ބުނެއެވެ.
